कोरोना के मामलन में गिरावट के बीचे बुध के ओमिक्रोन के एक्सई स्वरूप के देस में पहिला मरीज मिलल। महाराष्ट्र के स्वास्थ विभाग बतवलस कि 10 फरवरी के दक्षिण अफ्रीका से आइल एगो मेहरारू के 27 मार्च के एक्सई स्वरूप से संक्रमित होखला के पुष्टि भइल बा। कप्पो स्वरूप के एगो मरीज मिलल बा। बाकिर डेराये के बात नइखे सरकार सतर्क बिया।
376 नमूनन के जीनोम सीक्वेंसिग के दौरान ई दुनु संक्रामक वेरिएंट के पाता चलल बा। नमूनन के जांच कइल गइल, ओमे से 230 मुंबई के हs। ओकरा में से 228 में ओमिक्रोन के स्वरूप मिलल।
