एजुकेशन डेस्क। नेशनल टेस्टिंग एजेंसी (NTA) नीट यूजी 2025 के रिजल्ट आधिकारिक रूप से घोषित कs देले बा। नतीजन के संगे टॉपर्स के सूची जारी कs दिहल गइल बा। परीक्षा में सामिल भइल उम्मीदवार अब आपन स्कोरकार्ड neet.nta.nic.in पs जाके देख सकत बा लोग। एह साल नीट यूजी में करीब 20.8 लाख छात्र हिस्सा लेले रहे लोग।
लईकन में महेश तs लईकियन में अविका कइलें टॉप
एह साल राजस्थान के महेश कुमार ऑल इंडिया फर्स्ट रैंक हासिल कs के नीट यूजी 2025 के टॉपर बने के गौरव प्राप्त कइलें बाड़ें। ओहिजा, मध्य प्रदेश के उत्कर्ष अवधिया के दूसरा स्थान आ महाराष्ट्र के कृषांग जोशी के तीसरका रैंक मिलल बा। लईकियन में अविका अग्रवाल सानदार प्रदर्शन करत सबसे जादे अंक प्राप्त कइले बाड़ी आ देसभर में अव्वल रहलीं। टॉपर्स के एह सूची में दिल्ली, गुजरात आ महाराष्ट्र के कइयन गो छात्र जगह बनवले बा लोग।
NEET UG 2025 Topper: टॉप-10 उम्मीदवारन के सूची
| रैंक | रोल नंबर | अभ्यर्थी का नाम | लिंग | श्रेणी | परसेंटाइल | राज्य |
|---|---|---|---|---|---|---|
| 1 | 3923210013 | महेश कुमार | पुरुष | सामान्य | 99.9999547 | राजस्थान |
| 2 | 3003211526 | उत्कर्ष अवधिया | पुरुष | सामान्य | 99.9999095 | मध्य प्रदेश |
| 3 | 3115101159 | कृषांग जोशी | पुरुष | सामान्य | 99.9998189 | महाराष्ट्र |
| 4 | 2313103182 | मृणाल किशोर झा | पुरुष | सामान्य | 99.9998189 | दिल्ली (NCT) |
| 5 | 2301113256 | अविका अग्रवाल | महिला | सामान्य | 99.9996832 | दिल्ली (NCT) |
| 6 | 2208206152 | जेनिल विनोदभाई भायानी | पुरुष | सामान्य | 99.9996832 | गुजरात |
| 7 | 3802101056 | केशव मित्तल | पुरुष | सामान्य | 99.9996832 | दिल्ली (NCT) |
| 8 | 2201115100 | झा भाव्या चिराग | महिला | सामान्य | 99.9996832 | महाराष्ट्र |
| 9 | 4409201097 | हर्ष केदावत | पुरुष | सामान्य | 99.9995474 | दिल्ली (NCT) |
| 10 | 314101176 | आरव अग्रवाल | पुरुष | सामान्य | 99.9995474 | महाराष्ट्र |
NEET UG 2025: कैटेगरी वाइज कटऑफ मार्क्स
नीट यूजी 2025 खातिर राष्ट्रीय परीक्षा एजेंसी (NTA) सब श्रेणियन खातिर कटऑफ स्कोर जारी कs देले बा। एह साल सामान्य आ ईडब्ल्यूएस वर्ग के उम्मीदवारन खातिर कटऑफ स्कोर 686 से 144 के बीच तय कइल गइल बा। ओहिजा, सामान्य/ ईडब्ल्यूएस – पीडब्ल्यूडी (दिव्यांग) वर्ग के उम्मीदवारन खातिर ई कटऑफ 143 से 127 के बीच रहल। एकरा अलावे ओबीसी, एससी आ एसटी श्रेणियन खातिर यूजी 2025 के कटऑफ स्कोर 143 से 113 के बीच निर्धारित कइल गइल बा।
| वर्ग (श्रेणी) | कटऑफ स्कोर 2025 |
|---|---|
| सामान्य / ईडब्ल्यूएस (General / EWS) | 686–144 |
| सामान्य / ईडब्ल्यूएस – पीडब्ल्यूडी (General / EWS – PwD) | 143–127 |
| ओबीसी / एससी / एसटी (OBC / SC / ST) | 143–113 |
NEET UG 2025: रिजल्ट चेक करे के आसान स्टेप्स
- सबसे पहिले उम्मीदवारन के आधिकारिक वेबसाइट neet.nta.nic.in पs जाये के होई।
- होमपेज पs रउआ “NEET UG 2025 Result” लिंक पs क्लिक करे के होई।
- अब अपना एडमिट कार्ड नंबर आ जन्म तिथि जइसन क्रेडेंशियल्स दर्ज करीं।
- रिजल्ट स्क्रीन पs प्रदर्शित होई, जवना के डाउनलोड आ प्रिंट कs सकत बानी।
Read Also: गोरखपुर-साबरमती एक्सप्रेस ट्रेन अब थावे से चली, रेलवे टाइमिंग के संगे जारी कइलस रूट चार्ट
