- बिहार: दुर्गा पुजा में राजद के इयाद आ रहल बा महाभारत; पोस्टर में लालू प्रसाद के बनवलस विष्णु, तेजस्वी बनले सारथी कृष्ण त नीतीश के अर्जुन बनवाल गइल। कृष्ण बनल तेजस्वी के ललकार- लालटेन के रोशनी में एक-एक तीर सही निशाना प लगावs पार्थ। पोस्टर पटना में राजद कार्यालय के बाहर लगावल गइल बा।
- बिहार: बगहा के जवना गांव में मेला… उहवें बाघ के मूवमेंट: वन विभाग के टीम तैनात, बाप-बेटा बाघ के सीमा विवाद के बीचे जा रहल बा लोगन के जान, 23 दिन से पकड़ से दूर। 9 महीना में 6 लोग के शिकार बनवलस, 5 के मौत।
- उत्तर प्रदेश: उत्तर प्रदेश के राज्यपाल आनंदी बेन पटेल आ मुख्यमंत्री योगी प्रदेश के लोगन के विजयादशमी के सुभकामना दिहल लो। अधर्म प धर्म, बुराई प अच्छाई आ असत्य प सत्य के वियज के प्रतीक पर्व बतवले सीएम योगी।
- उत्तर प्रदेश: गोरखपुर में मिलल स्वाइन फ्लू के पहिला मरीज: BRD के डॉक्टर निकलले पहिला संक्रमित, 7 दिन से बोखार रहे। डेंगू-मलेरिया के रिपोर्ट निगेटिव रहे।
- झारखंड: टाटानगर से पटना तक चली तेजस, 7 घंटा में पूरा करी सफर: सेमी हाई स्पीड तेजस अभी मुंबई दिल्ली आ आउर मार्गन प चल रहल बा।
- नोबेल पुरस्कारन के ऐलान सुरू: मेडिसिन खातिर स्वीडन के सावन्ते पाबो के मिलल पुरस्कार, उनका ई पुरस्कार जीनोम आ मानव विकास से संबंधित रिसर्च खातिर मिलल बा। 7 अक्तूबर के शांति के नोबेल पुरस्कार के होई घोषणा।
- भारत में घुसल ईरानी विमान में बम के सूचना: सुखोई फाइटर जेट सुरक्षित सीमा से बाहर छोड़लस। भारत के एयरस्पेस में दु घंटा रहल विमान। भारत सरकार दिल्ली आ जयपुर में लैंडिंग के ना देले रहे अनुमति। ईरान से उड़ल विमान पाकिस्तान के रस्ता भारत में दाखिल भइल रहे।
- JEE पेपर लीक ममिला में रूसी नागरिक हिरासत में: दिल्ली एयरपोर्ट से पकड़ल गइल, 2021 में भइल परीक्षा के दौरान सॉफ्टवेयर हैकिंग के बा आरोप। कजाकिस्तान से भारत आवत घरी भइल गिरफ्तारी, सीबीआई के हवाले कइल गइल।
- भारत के मिलल स्वदेशी लड़ाकू हेलीकाप्टर, हर मिनट 750 गोली दागेला: एह स्वदेशी लाइट कॉम्बेट हेलीकाप्टर (LHC) के कैनन से हर मिनट 750 गोली दागल जा सकेला। रक्षा मंत्री राजनाथ सिंह देले प्रचंड नाम।
- जसप्रीत बुमराह टी-20 वर्ल्ड कप से बाहर, BCCI के मेडिकल टीम लेलस फसीला: स्कैन रिपोर्ट अइला के बाद बोर्ड के मेडिकल टीम बुमराह के बाहर होखला के पुष्टि कइलस, फीट होखे में 4 से 6 महीना तक लाग सकेला। रिप्लेसमेंट के जल्दिये होई घोषणा।
Morning Updates: भोर के10 बड़ खबर
सिविल इंजीनियर, भोजपुरिया, लेखक, ब्लॉगर आ कमेंटेटर। खेल के दुनिया से खास लगाव।
परिचे-
एगो निठाह समर्पित भोजपुरिया, जवन भोजपुरी के विकास ला लगातार प्रयासरत बा। खबर भोजपुरी के एह पोर्टल पs हमार कुछ खास लेख आ रचना रउआ सभे के पढ़े के मिली। रउआ सभे हमरा के आपन सुझाव anuragranjan1998@gmail.com पs मेल करीं।