- बिहार: माओवादी विजय आर्या के ठिकानन पs NIA के छापेमारी; पटना, गया आ औरंगाबाद में चल रहल बा रेड। एकरा खातिर कोर्ट से जारी भइल रहे सर्च वारंट।
- बिहार: जेडीयू कार्यालय में पोस्टर- बिहार के बाद अब देश देखीं; केसीआर के चुप्पी पs बिहार के नेता मुखर, मांझी बोलले- 2024 में नितीश के पीएम बनाएम सs।
- उत्तर प्रदेश: UP में कबो ठप हो सकेला कोरोना टेस्ट, खाली पांच दिन के बचल बा रिएजेंट वायरल ट्रांसपोर्ट मीडियम। जल्दी वीटीएम ना मंगवावल गइल तs जांच खातिर सैंपल भेजल मुस्किल हो जाई।
- उत्तर प्रदेश: सीएम योगी के आज बलरामपुर दौरा, अधिकारियन के संगे करिहें समीक्षा बैठक, प्रयागराज के दौरा पs रहिहें डिप्टी सीएम केशव प्रसाद मौर्य।
- झारखंड: झारखंड में लागू भइल ओल्ड पेंशन स्कीम, 1.25 लाख परिवारन के मिली लाभ, OPS लागू करे वाला झारखंड तीसरा राज्य, संकट में घिरल सोरेन सरकार के कर्मचारियन के बड़ सौगात।
- केरल हाईकोर्ट कहलस- नाया पीढ़ी आजादी खातिर शादी से दूर भागेला। तलाक के बढ़त ममिलन पs जतवलस चिंता, नाया पीढ़ी शादी के बुराई मानत बिया, एहिसे लिव इन के ममिला बढ़ रहल बा।
- स्पाइसजेट के इमरजेंसी लैंडिंग, ऑटो पायलट सिस्टेम में आइल खराबी, दिल्ली वापस लवटे के पड़ल। दिल्ली से नासिक खातिर उड़ान भरले रहे। DGCA देलस जानकारी।
- NIA पहिला बेर दाऊद अब्राहिम पs रखलस 25 लाख के इनाम, डी-कंपनी पs 90 लाख के इनाम के कइलस घोषणा, छोटा शकील पs 20 लाख के इनाम, सभे के नाया फोटो जारी बाकिर दाउद के उहे पुरान तस्वीर मिलल।
- किशोर कुमार के बंग्ला में हाई ग्रेड रेस्टोरेन्ट खोलिहें विराट कोहली, किशोर कुमार के जुहू स्थित बंग्ला 5 साल के लीज पs लेले, काम लमसम हो चुकल बा पूरा।
- एशिया कप 2022: श्रीलंका 4 साल बाद लेलस नागिन डांस के बदला; 2018 में निदहास ट्रॉफी के फाइनल में खेले से चूक गइल रहे टीम, बांग्लादेस रस्ता रोकले रहे, अब उहे बांग्लादेस के सुपर 4 में जाये तक से रोकलस। 2 विकेट से हासिल कइलस रोमांचक जीत।
Comments are closed.