गोरखपुर। कैंपियरगंज इलाका के एगो गांव में ड्यूटी पs जाये वाली GNM जुवती के आइल दिन रास्ता में गांव के तीन गो जुवती छेड़खानी कs के परेसान करत रहलें सs। परेसान होके जुवती बियफे के कैंपियरगंज थाना में शिकायत दर्ज करवलस। पुलिस त्वरित कार्रवाई करत तीनो आरोपियन के खिलाफ केस दर्ज कs के जांच सुरू कs देलस।
रोजाना स्कूटी से ड्यूटी पs जात रहली जुवती
शिकायत में जुवती बतवली कि ऊ पीपीगंज के एगो नर्सिंग होम में GNM के पद पs कार्यरत बाड़ी आ रोज अपना घर से स्कूटी पs ड्यूटी खातिर आवेली-जाली। एही दौरान गांव के इन्द्रेश, अविनाश आ राहुल नाम के जुवक उनका के परेसान करेलें सेs। ऊ रास्ता में गाली-गलौज करेले सs आ स्कूटी के सामने खड़ा होके ओकरा के रोके के कोसिसो करेला लो।
हरकतन से तंग आके पुलिस के देली शिकायत
पीड़िता कहली, “इनका हरकतन से तंग आके हम लिखित शिकायत दर्ज करवलें।” पुलिस ममिला में तीनो जुवकन के खिलाफ धारा 352 आ 75 के तहत केस दर्ज कs के जांच-पड़ताल सुरू कs देले बिया।
शिकायत मिलतही पुलिस दर्ज कइलस केस
कैंपियरगंज थाना प्रभारी बतवलें कि शिकायत मिलतही तीनो आरोपियन के खिलाफ ममिला दर्ज कs लिहल गइल बा आ ओकनी के खिलाफ कानूनी कार्रवाई कइल जा रहल बा। पुलिस ममिलन के गंभीरता से लेके जांच में जुटल बिया।
Comments are closed.