उत्तर प्रदेश के अमरोहा जिला में एगो बड़हन मनरेगा घोटाला सोझा आइल बा. दरअसल इहाँ बेहद प्रभावशाली लोग मनरेगा के लेबर कार्ड बना के सरकारी पईसा के गबन कईले बाड़े। भारतीय क्रिकेट टीम के तेज गेंदबाज मोहम्मद शमी के बहिन आ जीजा के नाम भी एहमें शामिल बा. एह घटना के सोझा अईला के बाद मनरेगा योजना पs सवाल उठल शुरू हो गईल बा। मनरेगा योजना में भईल घोटाला के बारे में सुन के भारतीय किसान यूनियन (शंकर) कार्रवाई के मांग कईले बिया अवुरी आंदोलन के चेतावनी देले बिया। एs संबंध में अमरोहा के जिला मजिस्ट्रेट के कहनाम बा कि गांव प्रमुख अपना निजी रिश्तेदार के खाता में मनरेगा के धन जमा कs देले बाड़े, जवना के जांच उहे मनरेगा के माध्यम से होई। जे एह धोखाधड़ी के दोषी चाहे जवन स्तर पर होखे ओकरा से वसूली हो जाई आ ओकरा खिलाफ कार्रवाई कइल जाई.
मोहम्मद शमी के परिजन पs मनरेगा में धांधली के आरोप उत्तर प्रदेश के अमरोहा में मनरेगा के नाम पs हो रहल घोटाला तब अउरी बड़हन हो गइल जब अमरोहा निवासी आ भारतीय क्रिकेट टीम के तेज गेंदबाज मोहम्मद शमी के बहिन शबीना आ उनुकर जीजा गज़नवी के नाम सामने आइल. एतने ना, भारी रकम के मजदूरी भी ओ लोग के खाता में ट्रांसफर हो गईल बा। इलाका में अयीसन बहुत लोग बाड़े जवन कि मजदूरी कार्ड के माध्यम से मनरेगा के पईसा के गबन कईले बाड़े। बतावल जाता कि प्रधान गुले आयशा शमी के बहिन शबीना के सास हई। अमरोहा के पलौला गांव के लोग के कहनाम बा कि, उनुका कवनो शिकायत पs ध्यान ना दिहल जाला, काहेंकी प्रधान गुले आयशा मोहम्मद शमी के बहिन के सास हई। उनुका अपना रिश्तेदारन खातिर, अपना परिवार के लोग खातिर, आ असल में अपना सगरी करीबी लोग खातिर मनरेगा जॉब कार्ड बना लिहले बा.
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
