अप्रैल में गिरावट के बाद महात्मा गांधी राष्ट्रीय ग्रामीण रोजगार गारंटी योजना (एमजी-एनआरईजीएस) के तहत काम के मांग में फेर से बढ़ोतरी भईल बा। सरकारी आंकड़ा के विश्लेषण के मुताबिक, पछिला साल के एही महीना के मुक़ाबले ए साल मई में देश भर के 39 लाख से जादे घर ग्रामीण रोजगार गारंटी कार्यक्रम के लाभ उठवले। नरेगा पोर्टल से मिलल आंकड़ा बतावता कि मई 2022 में ए योजना के तहत 2.61 करोड़ घर काम कईले, जवन कि पछिला साल के एही महीना में 2.22 करोड़ घर से 39 लाख – यानी 17.39 प्रतिशत – के बढ़ोतरी बा।
कोविड-19 के पहिला लहर के दौरान लॉकडाउन के देखत मई 2020 के मुक़ाबले एनआरईजीएस के लाभ उठावेवाला घर के संख्या कम बा, जहवाँ प्रवासी अपना गांव में लवट के आईल रहले, जवना के संख्या बहुत बढ़ के 3.30 करोड़ हो गईल। हालांकि ई महामारी महामारी से पहिले के समय में मई 2019 में दर्ज 2.10 करोड़ के आंकड़ा से अधिका बा। एह साल अप्रैल में 1.86 करोड़ घर नरेगा के फायदा उठवले जवन कि पिछला साल अप्रैल में दर्ज संख्या से 26 लाख – यानी 12.27 प्रतिशत कम – बा।
कुल मिलाके 33 राज्य अवुरी केंद्र शासित प्रदेश में से जवना के तुलनीय आंकड़ा उपलब्ध बा, 21 राज्य अवुरी केंद्र शासित प्रदेश – उत्तर प्रदेश, तमिलनाडु, राजस्थान, बिहार, केरल, महाराष्ट्र, कर्नाटक, नागालैंड, हिमाचल प्रदेश, उत्तराखंड, असम, गुजरात, तेलंगाना , पुडुचेरी, अरुणाचल प्रदेश, मिजोरम, सिक्किम, लद्दाख, गोवा, अंडमान एंड निकोबार आ लक्षद्वीप – पिछला साल के एही महीना के तुलना में मई 2022 के दौरान एनरेगा लाभ लेवे वाला घरन के संख्या (1.05 करोड़ परिवार) मिला के, 68 लाख के बढ़ोतरी पंजीकृत भइल (1.73 करोड़ परिवार)।
