जेईई मेन 2025 के रिजल्ट अप्रैल के जारी भईल रहे। एह परीक्षा में 24 गो विद्यार्थी 100 परसेंटाइल अंक हासिल कइले. देश में टॉपर बहुत मशहूर हो गईल। अब एगो खबर सामने आ रहल बा जवन बिहार से जुड़ल बा। बिहार के एगो गांव के 40 से अधिका बच्चा जेईई मेन के परीक्षा में एक संगे पास कs के अपना गांव अवुरी राज्य में पुरस्कार ले आईल बाड़े। एह गाँव के लइकन पs हर जगह चर्चा हो रहल बा। मामला बिहार के गया जिला से बा।
एनजीओ लइकन के मदद कइलस
गया में पटवा टोली नाम के एगो गांव बा, जहवां जेईई मेन परीक्षा में एक संगे 40 से जादे परीक्षार्थी सफलता के झंडा लहरा चुकल बाड़े। असल में एह गाँव में लइका-लइकी एगो फाउंडेशन के माध्यम से अपना के तइयार करेलें, ओह फाउंडेशन के नाम वृक्ष फाउंडेशन हs। जानकारी देत एकर अध्यक्ष कहले कि आर्थिक परेशानी के बावजूद गांव के बच्चा पढ़ाई के प्रति अटूट विश्वास से एगो प्रेरणादायक विरासत रचले बाड़े। आज गाँव के लोग के लइका शिक्षा के माध्यम से नया ऊंचाई छू रहल बाड़े। उs बतवले कि उनुकर फाउंडेशन एगो गैर सरकारी संगठन हs जवन छात्र के इंजीनियरिंग प्रवेश परीक्षा (जेईई) पास करे में मदद करेला।
कई गो विद्यार्थी 95% से अधिका अंक हासिल कइले
अध्यक्ष आगे कहले कि, “हमनी के थोड़ बहुत मदद से अकेले पटवा टोली के 40 से जादा बच्चा एs साल 2025 में जेईई मेन परीक्षा में क्लियर हो चुकल बाड़े। इs सभ छात्र अब अगिला महीना होखेवाला आईआईटी प्रवेश जेईई एडवांस परीक्षा में हाजिर होईहे।”
इहो पढ़ीं: सबेरे-सबेरे: करीं इs 3 गो योगासन, तेजी से बढ़े लागी रुकल हाइट
