iPhone 17: आईफोन 17 सीरीज के लेके आइल बड़ खबर, खुस हो जाई लो Apple के फैन

Apple साल 2025 में iPhone 17 सीरीज के लॉन्च कs सकत बा, हालांकि एपल अभी ले आधिकारिक तौर पs iPhone 17 के लेके कुछ नइखे कहले बा। बाकिर हर साल सितंबर में नया आईफोन के लॉन्चिंग होला। अभी हाले में एपल iPhone 16 सीरीज के लॉन्च कइले बा आ अब iPhone 17 के लेके लीक रिपोर्ट्स आवे लागल बा।

iPhone 17 सीरीज के जादे चरचा एगो नया मॉडल के लेके हो रहल बा जेकर नाम iPhone 17 Air बतावल जा रहल बा। आमतौर पs एपल हर साल चार गो नया आईफोन लॉन्च करत बा, हालांकि 2025 में चार गो नया मॉडल लॉन्च होई। बाकिर प्लस वर्जन के खत्म कइल जाई।

लीक रिपोर्ट में कहल जा रहल बा कि एपल अपना आईफोन प्लस के iPhone 17 के संगे खत्म करी आ एकरा जगे iPhone 17 Air के पेश कइल जाई। iPhone 17 Air बहुते स्लिम होई आ एमे 6.6 इंच के डिस्प्ले मिली आ एमे 24 मेगापिक्सल के फ्रंट कैमरा मिली।

AppleTrack एगो वीडियो में iPhone 17 Air के डिजाइन से लेके स्पेसिफिकेशन आ कीमत तक के जानकारी देले बा। एमे कॉन्सेप्ट रेंडर बा जेमे iPhone 17 Air के कइयन सारा कलर्स में देखल जा सकत बा।

वीडियो के मोताबिक iPhone 17 Air के डिजाइन iPhone 6 जइसन होई आ ई एगो स्लिम आईफोन होई। एमे 6.6 इंच के OLED डिस्प्ले मिली। जवना के संगे 120Hz के प्रो-मोशन रिफ्रेश रेट मिल रहल बा। फोन के संगे डायनेमिक आइलैंडो मिली।