चीनी कंपनी के मोबाइल फोन के बाद अब एप्पल के महंगा आईफोन 14 प्रो मैक्स में आग लागे के खबर सोझा आईल बा। एप्पल के प्रीमियम आईफोन में विस्फोट के चलते यूजर के हाथ जर गईल। एप्पल आईफोन विस्फोट पs आधिकारिक बयान भी जारी कईले बा अवुरी धमाका भईल आईफोन के जांच के मांग कईले बिया। एप्पल के आईफोन के विस्फोट के इs पहिला घटना बा। हालांकि इs मामला भारत के नईखे, बल्कि आईफोन में आग लागे के घटना पड़ोसी देश चीन में भईल बा।
आईफोन में जोरदार विस्फोट भइल
Gizmochina के रिपोर्ट के मुताबिक, Shanxi नाम के एगो महिला यूजर के आईफोन 14 प्रो मैक्स में भईल विस्फोट के चलते उनुकर हाथ जर गईल। रिपोर्ट के मुताबिक सबेरे 6:30 बजे फोन में आग लाग गईल। ओह घरी यूजर सुतल रहली, विस्फोट के आवाज के चलते उs जाग गईली। फोन उनका बिछौना के बगल में चार्ज होत रहे। महिला गलती से फोन पs हाथ रख देलस, जवना के चलते उ घाही हो गईली.
चीनी सोशल मीडिया प्लेटफॉर्म पs महिला पs ब्लास्ट भईल आईफोन 14 प्रो मैक्स के फोटो शेयर कईले बिया, जवना में फोन के आगे अवुरी पीछे के पैनल बहुत जादे जरल देखाई देता। महिला इs आईफोन 2022 में खरीदले रहली। अयीसना में फोन के वारंटी खतम हो गईल बा। हालांकि एप्पल एs घटना के जवाब देले बा। कंपनी के ग्राहक सेवा एs घटना पs दुख जतवले बिया अवुरी कहले बिया कि पहिले फोन के बरामद कs के जांच कईल जाई अवुरी विस्फोट के कारण के पता चल जाई।
एह सब बात के ध्यान में राखीं
*रात में फोन चार्जिंग मेें लगा के कबो ना सुते के चाही। ओवरचार्जिंग से फोन में शार्ट सर्किट हो सकता अवुरी आग लाग सकता।
*आपन मोबाइल फोन के चार्ज करे खातिर खाली असली चार्जर के इस्तेमाल करीं यानी हमेशा ओकरा फोन के संगे दिहल गईल संगत चार्जर से चार्ज करीं।
*अगर रउआ कवनो अवरू कवनो चार्जर के इस्तेमाल कs रहल बानी, तs ओकरा एडाप्टर पs आउटपुट वोल्टेज के जांच करीं। अगर, आउटपुट वोल्टेज 5V से अधिक या कम ना होखे के चाहीं. आम तौर पs फोन के चार्ज करे खातीर एतना वोल्टेज के जरूरत होखेला।
*फोन के चार्ज करे से पहिले चार्जिंग सॉकेट के भी जांच करे के होई। कई बेर ढीला कनेक्शन के चलते शॉर्ट सर्किट के खतरा भी होखेला।
*फोन के चार्ज करे से पहिले फोन के चार्जिंग पोर्ट के जांच जरूर करीं। अगर चार्जिंग पोर्ट में कवनो नमी बा तs ओकरा के सूखल कपड़ा से सुखा लीं। एकरा बाद ही फोन चार्ज करीं.
