इंडोनेशिया में भारी बरखा के चलते तबाही मचल बा। बरखा के बाद कई इलाका में बाढ़ जईसन हालात पैदा हो गईल बा। भारी बरखा आ ज्वालामुखी के ढलान से बहत कीचड़ के चलते इंडोनेशिया के सुमात्रा द्वीप पs झटका लागल बा. बाढ़ के चलते कम से कम 37 लोग के मउत हो गईल अवुरी 12 से जादे लोग लापता बाड़े। अधिकारी एकरा बारे में जानकारी देले बाड़े.
बाढ़ में बह गईल लोग
राष्ट्रीय आपदा प्रबंधन एजेंसी के प्रवक्ता अब्दुल मुहारी बतवले कि मानसून के बरखा अवुरी माउंट मारापी के ठंडा भईल लावा के ढलान के चलते कीचड़ के बहाव भईल। कीचड़ वाला पानी से भूस्खलन हो गईल। भारी बरखा के चलते शनिचर के आधा रात के एगो नदी उफन गईल। बढ़त नदी के चलते पश्चिम सुमात्रा प्रांत के चार जिला के बहुत गांव में पानी भर गईल। उs बतवले कि बाढ़ में बहुत लोग बह गईले अवुरी 100 से जादे घर अवुरी भवन डूब गईल। ठंडा लावा ज्वालामुखी पदार्थ आ मलबा के मिश्रण हवे जे बरखा में ज्वालामुखी के ढलान से नीचे बहे ला।
लापता लोग के खोज जारी बा
राष्ट्रीय खोज आ बचाव एजेंसी के ओर से जारी बयान में कहल गईल कि, अतवार के दुपहरिया ले बचावकर्मी अगम जिला के सबसे जादे प्रभावित कैंडुआंग गांव में 19 अवुरी पड़ोसी जिला तनाह दातर में 9 अवुरी लाश बरामद कs लेले बाड़े। एजेंसी के कहनाम बा कि पडांग में भयंकर बाढ़ के चलते 8 लोग के मौत हो गईल।
