का बोलले हामिद अंसारी?
अंसारी अपना बयान में साफ कइलें कि ऊ कबो कवनो पाकिस्तानी पत्रकार के न्योता ना देले आ ना कबो मिर्जा से कवनो मुलाकात कइलें। ऊ कहले कि उपराष्ट्रपति के ओर से विदेशी हस्तियन के न्योता सरकार के सलाह पs भेजल जाला। अंसारी के एह बयान के बाद अब कांग्रेसो कावर से जल्दिये जबाब आवे संभावना बा, काहेकि पूर्व उपराष्ट्रपति न्योता भेजल जाये के मुद्दा खातिर सीधे तौर पs तत्कालीन कांग्रेस सरकार के जिम्मेदार ठहरा देले बाड़े।
भजपो पs हमला बोलले
अंसारी भारत के हितन के नुकसान पहुंचावे के भाजपा के आरोपन पs जवाब देले। ऊ कहले- “ईरान में राजनयिक के रूप में हमेशा सरकार के जानकारी के दायरा में रहनी। हम हमेशा राष्ट्रीय सुरक्षा प्रतिबद्धता से बंधल रहनी। अंसारी कहले, “मीडिया आ भाजपा के आधिकारिक प्रवक्ता द्वारा हमरा खिलाफ एक के बाद एक झूठ फइलावल गइल।
