IND vs AUS Warm-Up Match: भारत ऑस्ट्रेलिया के छह रन से हरवलस, शमी के आखिरी चार गेंद पर चार विकेट गिरल

भारत ऑस्ट्रेलिया के टी20 वर्ल्ड कप के प्रैक्टिस मैच में छह रन से हरा दिहलस। पहिले बल्लेबाजी करत भारत 20 ओवर में सात विकेट गंवाकर 186 रन बनवलें। केएल राहुल 33 गेंद में 57 रन अउर सूर्यकुमार यादव 33 गेंद में 50 रन के पारी खेललें। जवाब में डेथ ओवर्स में भारत के शानदार गेंदबाजी अउर फील्डिंग के बदलौत ऑस्ट्रेलियाई टीम 20 ओवर में 180 रन पर ऑलआउट हो गइल।

आखिरी पांच ओवर में ऑस्ट्रेलिया के 43 रन के जरूरत रहलीं। तब उनके आठ विकेट बचल रहे। फिंच अउरी मैक्सवेल बल्लेबाजी करत रहलें। एकरे बाद भुवनेश्वर कुमार 16वें ओवर में सिर्फ चार रन दिहलें अउर एक विकेट लिहलें। 17वें ओवर में अश्विन 10 रन दिहलें। 18वें ओवर में अर्शदीप गेंदबाजी खातिर आइल अउर 13 रन दिहलें। पिछले कुछ समय से टीम इंडिया खातिर 19वां परेशानी के सबब रहल बा।

हालांकि, एह मैच में हर्षल पटेल 19वां ओवर लेकर अइलें अउर खाली पांच रन खर्च कइलें। एह ओवर में दू विकेट भी गिरल। हर्षल पहिले फिंच के क्लीन बोल्ड कइलें। फिर एह ओवर में विराट कोहली के डायरेक्ट हिट पर टिम डेविड रन आउट भइलें। 20वें ओवर में मोहम्मद शमी पहिला बेर गेंदबाजी करे अइलें। उनके 11 रन बनावे के रहल। सोझे पैट कमिंस अउर जोश इंगलिस रहलें।

• पहली गेंद पर शमी दू रन दिहलें
• दूसरा गेंद पर फिर दू रन बनल।
• तीसरा गेंद पर कमिंस शॉट खेलनें। एह पर बाउंड्री पर कोहली एक हाथ से शानदार कैच लपकलें।
• चौथा गेंद पर एश्टन एगर रन आउट भइलें
• पांचवाँ गेंद पर शमी जोश इंगलिस के यॉर्कर पर क्लीन बोल्ड कइलें।
• एकरे बाद ओवर के आखिरी गेंद पर शमी केन रिचर्डसन के क्लीन बोल्ड कइलें।

एह तरह शमी के आखिरी चार गेंद पर चार विकेट गिरल। एहमें से तीन विकेट शमी लिहलें अउर एक रन आउट मिलल। शमी आखिरी ओवर में सिर्फ चार रन लुटवलें अउर भारत ई मैच छह रन से जीत लिहल। ऑस्ट्रेलिया के ओर से कप्तान एरॉन फिंच सबसे ज्यादा 76 रन बनवलें। एकरे अलावा मिचेल मार्श 35 रन के पारी खेललें। भारत के ओर से मोहम्मद शमी एक ओवर फेंककर सबसे ज्यादा तीन विकेट लिहलें।