बेरुत, एपी। सीरिया के राजधानी दमिश्क के नियरा बियफे के मिलिट्री बस प विस्फोट के ममिला सामने आइल बा। एमे 18 जवानन के मौत हो गइल आ 27 जख्मी हो गइले। सीरियाई मीडिया सैन्य सूत्रन के हवाले से ई जानकारी देलस।
पिछिला कुछ सालन में एह तरह के कइयन गो हमला भइल बा जेमे दर्जनन लोगन के मौत भइल बा आ दर्जनन जख्मी बा लो। बीतल महीना मार्च में आतंकियन द्वारा सेंट्रल सीरिया में पालमायरा के लगे सैन्य बस प हमला कइल गइल रहे। एमे 13 सैनिकन के मौत हो गइल रहे। आ 18 जख्मी रहे लो।
सीरियाई अधिकारी एह तरे के हमलन खातिर इस्लामिक स्टेट के आतंकियन के जिम्मेवार बतावल लो। ई आतंकी गुट दक्षिण आ सेंट्रल सीरिया में सक्रिय रहल बा। 2019 में इस्लामिक स्टेट के कब्जा से सेंट्रल सीरिया के आजाद करा लिहल गइल रहे।
