हरिद्वार त्रिस्तरीय पंचायत चुनाव में पहिला बेर भाजपा के डंका बाजल बा। जिला पंचायत के अध्यक्ष, उपाध्यक्ष पद पर अउर ब्लॉक प्रमुख के छह में से पांच पद पर भाजपा प्रत्याशियन के कौनो प्रत्याशी चुनौती नइखे देहलें। एकरे संगही एह सब पद पर भाजपा के परचम लहरावल तय हो गइल बा।
पार्टी के प्रदर्शन से उत्साहित भाजपा प्रदेश अध्यक्ष महेंद्र भट्ट एके मुख्यमंत्री पुष्कर सिंह धामी के कुशल नेतृत्व, पार्टी के वरिष्ठ नेता लोग के मेहनत अउर संगठन के चुनाव प्रबंधन में जुटल कार्यकर्ता लोग के सक्रियता के परिणाम बतावल गइल रहे।
सियासी जानकारन के मुताबिक, भाजपा के हरिद्वार त्रिस्तरीय पंचायत चुनाव के जीत के खास मायना बा। 2024 के लोकसभा चुनाव के तैयारी कs रहल पार्टी पंचायत चुनाव के बेहद गंभीरता से लिहलस। जिला पंचायत अउर क्षेत्र पंचायत में जीत भाजपा खातिर सपना के तरह रहल। राज्य बनले के बाद भइल पिछले सब चुनाव में ऊ पीछे रहलें।
