हंसल मेहता रचवले सफीना से बियाह

फिल्मकार हंसल मेहता बुध के बतवले कि ऊ अमेरिका के सैन फ्रांसिस्को में एगो निजी समारोह में सफीना हुसैन से बियाह कs लेले बाड़े। सफीना लमहर समय से उनकर साथी रहल बाड़ी।

‘शाहिद’ आउर ‘अलीगढ़’ लेखा के फिल्मन के निरदेसन करे आला हंसल सोसल मीडिया पs एह बात के जानकारी देले। हंसल(54) सैन फ्रांसिस्को के ताज कैप्टन प्लेस में आयोजित शादी समारोह के कुछ तस्वीरन के साझा कइले। दिवंगत अभिनेता यूसुफ हसन के बेटी सफीना एगो सामाजिक कार्यकर्ता हई।