देश में एयरलाइंस के दौरान गड़बड़ी के मामला रुके के नाम नईखे लेत। एक के बाद एक कई गो घटना के बाद मंगलवार के गो-एयर के दू गो विमान में गड़बड़ी के खबर सामने आइल बा।
डीजीसीए मंगल का दिने कहलसि कि मुंबई से लेह जात गोएयर के एगो फ्लाइट ए320 फ्लाइट नंबर जी8-386 के इंजन खराब होखला का बाद दिल्ली डायवर्ट कर दिहल गइल बा. बतावल जा रहल बा कि विमान के इंजन नंबर दू में खराबी आ गइल बा.
डीजीसीए के मुताबिक, गोएयर के एगो अवरू उड़ान नंबर जी8-6202, जवन कि श्रीनगर से दिल्ली जात रहे, ओकरा के इंजन नंबर दू के खराब होखला के बाद भी श्रीनगर वापस क दिहल गईल बा।
डीजीसीए के ओर से दिहल जानकारी में बतावल गईल बा कि हमनी के दुनो मामला के जांच करतानी। फिलहाल दुनो विमान के उड़ान प रोक लगा दिहल गईल बा। दुनो विमान डीजीसीए से मंजूरी मिलला के बाद ही उड़ान भर सकेले।
