अयोध्या जिला के बीकापुर कोतवाली इलाका के शेरपुर पारा बाजार में प्रयागराज राजमार्ग के किनारे स्थित साड़ी के गोदाम में बियफ़ें के रात 12 बजे अज्ञात कारन से अचानक आग लाग गईल। दुर्घटना के चलते गोदाम में राखल करीब 15 लाख रुपिया के सामान जर के राख हो गईल।
दुकान संचालक पंकज यादव के कहनाम बा कि अबे भी दोकान के उद्घाटन के तैयारी हो रहल बा। उद्घाटन से पहिले भी गोदाम में अचानक आग लाग गईल अवुरी गोदाम में राखल सभ समान जर के राख हो गईल।
हल्ला मचावे के बाद नजदीकी लोग अवुरी पीआरबी पुलिस से सूचना मिलला के बाद फायर ब्रिगेड के टीम करीब डेढ़ घंटा के मेहनत के बाद आग के काबू में कs लेलस। बीकापुर तहसील आ थाना में जानकारी देके शिकायत दर्ज करावल गइल बा।
आशंका बा कि दोकान में कवनो अनजान आदमी आग लगा देले बा। आग लगला के चलते गोदाम के दोकान के छत अवुरी दीवार के भी नुकसान पहुंचल बा।
