आजादी के अमृत महोत्सव के तहत जिला के हर घर में 13 से 15 अगस्त 2024 ले पूरा उत्साह से तिरंगा अभियान मनावल जाई। अभियान के दौरान जिलाधिकारी प्रियंका निरंजन ग्रामीण क्षेत्र में जिला पंचायत राज पदाधिकारी आ नगरपालिका/पंचायत के सभ कार्यकारिणी अधिकारी के शहरी क्षेत्र में विशेष स्वच्छता अभियान चलावे के निर्देश देली। जिला मजिस्ट्रेट सभ अधिकारी के अपना-अपना कार्यालय में लाइटिंग करावे के निर्देश देले। जिला मजिस्ट्रेट जिला के लोग से हर घर में तिरंगा कार्यक्रम में उत्साह से भाग लेवे, जिला के स्वतंत्रता सेनानी अवुरी शहीद के याद करे अवुरी 13 से 15 अगस्त ले अपना-अपना घर पs तिरंगा झंडा फहरावे के अपील कईले।
उs कहले कि हर नागरिक के अपना आवास/स्कूल अवुरी सरकारी कार्यालय में झंडा संहिता के सम्मान अवुरी पालन करत झंडा फहरावे/स्थापन करे के चाही। झंडा फहरावत घरी केसरिया रंग के पट्टी हमेशा झंडा के ऊपरी ओर होखे के चाहीं। झंडा उतारला के बाद कवनो नागरिक के ना फेंके के चाही। एकरा के आदर से तह कs के राखे के चाही। हर घर पs औपचारिक तरीका से झंडा फहरावे के चाहीं। झंडा के आधा झुकल, फाटल भा कटल फहरावे पs रोक लगा दिहल जाई. जिला मजिस्ट्रेट जिला के सभ नागरिक से अपील कईले कि 13 से 15 अगस्त ले अपना घर पs तिरंगा के गर्व से फहरावे अवुरी हर घर में तिरंगा अभियान में शामिल होखे, आपन सेल्फी क्लिक कs के harghartiranga.com पs अपलोड करीं।
