अरबपति व्यापारी एलन मस्क एगो बड़हन फैसला ले के डोनाल्ड ट्रंप प्रशासन से अलगा होखे के एलान कइले बाड़न. एकरा बारे में उs सोशल मीडिया पs भी पोस्ट कईले बाड़े। सोशल मीडिया पोस्ट में मस्क लिखले बाड़न कि जइसे जइसे एगो विशेष सरकारी कर्मचारी के रूप में हमार निर्धारित समय खतम होखे वाला बा एहसे हम राष्ट्रपति ट्रंप के धन्यवाद देबे के चाहब कि ऊ हमरा के बेकार खरचा कम करे के मौका दिहलन. डोज मिशन समय के साथे मजबूत हो जाई काहे कि ई सरकार में जीवन के एगो तरीका बनत जाई.
ट्रंप एकर महत्वपूर्ण जिम्मेदारी सौंपले रहले
अमेरिकी राष्ट्रपति डोनाल्ड ट्रंप सरकारी खर्चा कम करे के जिम्मेवारी एलन मस्क के देले रहले। जनवरी में जब ट्रंप व्हाइट हाउस पहुंचले तs मस्क के नयका सरकारी विभाग सरकारी दक्षता विभाग डोगे के नेतृत्व सौंप दिहलें। अब व्हाइट हाउस के एगो अधिकारी कहले बाड़न कि मस्क के एगो खास सरकारी कर्मचारी का रूप में ‘ऑफबोर्डिंग’ बुध के रात से शुरू हो गइल बा.
ट्रम्प अवुरी एलन मस्क के दोस्ती के बहुत कहानी पs चर्चा भईल बा
हाल के सालन में डोनाल्ड ट्रंप आ एलन मस्क के रिश्ता सुर्खियन में बा. मस्क 2024 के अमेरिकी राष्ट्रपति चुनाव में ट्रंप के खुलेआम समर्थन कइले रहलें। उs ना सिर्फ ट्रंप के अभियान में लाखों डॉलर के योगदान देले, बालुक सोशल मीडिया प्लेटफॉर्म एक्स पs अपना प्रभाव के इस्तेमाल ट्रंप के पक्ष में माहौल बनावे में भी कईले। ट्रंप के जीत के बाद मस्क के 2025 में नवगठित सरकारी दक्षता विभाग (DOGE) के नेतृत्व सौंपल गइल जेकर मकसद सरकारी खर्चा में कटौती आ दक्षता बढ़ावे के रहल। एह दौरान दुनु के बीच सहयोग चरम पs रहे। मस्क ट्रंप के नीति खासतौर पर आप्रवासन आ सरकारी सुधार के समर्थन कइलें आ ट्रंप मस्क के तारीफ करत कई गो बयान दिहलें।
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
