चमकत त्वचा खातिर खीरा के रस : गर्मी शुरू हो गईल बा। अयीसना में तेज धूप अउरी पसीना से आपके त्वचा के नुकसान पहुंच सकता। एही से जरूरी बा कि ए मौसम में आप अपना स्वास्थ्य अउरी त्वचा के खास ध्यान राखी। एकरा खातीर जरूरी बा कि आप अपना खाना-पीना के खास ध्यान राखी। अपना आहार में अयीसन चीज़ शामिल करीं जवन कि आपके शरीर के भीतर से ठंडा राखे। ताकि बाहरी गर्मी से आपके कवनो खास नुकसान ना होखे। जब आपके शरीर भीतर से ठंडा रहेला, तब आपके जादा गर्मी ना लागेला अउरी जादे पसीना ना आवेला। आज हम रउआ सभे के अइसने एगो पेय बताइब जवन गर्मी में रउआ के ना खाली ताजा राखी। बल्कि एकर इस्तेमाल से आपके त्वचा के चमकदार अउरी मुँहासा मुक्त बनावे में भी मदद मिली।त आईं जानल जाव गर्मी के अनुकूल स्वादिष्ट खीरा के रस बनावे के रेसिपी।
गर्मी के ताज़ा पेय के रेसिपी कईसे बनावल जाला
सामग्री
• 1 खीरा
•पुदीना के पतई – 6-7
• गुलाबी नमक – स्वाद के अनुसार
• बर्फ के टुकड़ा – 5-6
•चीनी मुक्त/शहद – जरूरत के हिसाब से
खीरा ड्रिंक रेसिपी
• एकरा के बनावल बहुत आसान बा। एकरा खातिर खीरा के बढ़िया से धो के छील लीं। एकरा बाद एकर टुकड़ा काट के ग्राइंडर में डाल दीं। अब ओकरा में पुदीना के पत्ता, बर्फ के टुकड़ा, गुलाबी नमक आ शहद डाल के बढ़िया से पीस लीं।
• अब एगो गिलास लेके ओकरा में बर्फ के टुकड़ा डाल के तैयार रस डाल दीं।
• अगर रउरा चाहत बानी त ओकरा में नींबू के रस भी डाल सकेनी।
• राउर स्वादिष्ट पेय तैयार बा। एकरा के रोज पी सकेनी आ कुछ दिन में एकर असर देखे के मिली। इ आपके चेहरा पे प्राकृतिक चमक अउरी मुँहासा मुक्त त्वचा पावे में मदद क सकता।
