आपन रेस्टोरेंट फ्रैंचाइजी ‘गरम धरम ढाबा’ के लेके धर्मेन्द्र के कानूनी मुसीबत में फसत लउकत बाडे. दिल्ली के पटियाला हाउस कोर्ट हालही में ‘गरम धरम ढाबा’ फ्रेंचाइजी से जुड़ल धोखाधड़ी के मामिला में बॉलीवुड के दिग्गज अभिनेता धर्मेंद्र आ दू गो अउरी लोग के खिलाफ समन जारी कइले बा. न्यायिक मजिस्ट्रेट यशदीप चहल के ओर से जारी समन दिल्ली के व्यापारी सुशील कुमार के शिकायत पs आधारित बा, जवना में आरोप बा कि उनुका के फ्रेंचाइजी में निवेश करे खातीर लालच देके उनकरा संगे धोखा कइल गईल।
धर्मेंद्र के कोर्ट से समन काहें मिलल?
दिल्ली के पटियाला हाउस कोर्ट हालही में ‘गरम धरम ढाबा’ फ्रेंचाइजी से जुड़ल धोखाधड़ी के मामिला में बॉलीवुड के दिग्गज अभिनेता धर्मेंद्र आ दू गो अउरी लोग के खिलाफ समन जारी कइले बिया जवना के सुनवाई फरवरी 2025 में होखी. एएनआई के मुताबिक, 5 दिसंबर के पारित समन ऑर्डर में जज कहले कि, ‘रिकार्ड में मिलल सबूत से इs संकेत मिलता कि आरोपी लोग शिकायतकर्ता के अपना सामान्य इरादा के आगे बढ़ावे खातीर उकसवले अवुरी धोखाधड़ी के अपराध के सामग्री के विधिवत खुलासा कइल गइल बा।’
