राजद एमएलसी अउरी लालू यादव के करीबी सुनील सिंह के घर पs सीबीआई डरलस छापा, तलाशी अभियान जारी
बिहार में महागठबंधन वाली सरकार के फ्लोर टेस्ट से पहिलही राजद एमएलसी अउर लालू यादव के करीबी सुनील कुमार सिंह के आवास पर सीबीआई छापा मरले बीया। जानकारी के मुताबिक, सीबीआई के अधिकारी उनके आवास के तलाशी ले रहल बानें। बता देई, सुनील कुमार सिंह बिस्कोमान के अध्यक्ष भी बानें। सुनील कुमार सिंह के आवास के बाहर भारी सुरक्षा तैनात कइल गइल बा। सूत्रन के कहनाम बा कि सीबीआई नौकरी घोटाला में कथित जमीन के ले के छापेमारी कइले बा। एकरे अलावा बिहार में दूसर ठिकानन पर भी सीबीआई के कारवाही के खबर आ रहल बा।
एह मामला में सीबीआई तीसरका बेर बिहार में छापेमारी कइलें बिया। एसे पहले राजद के पूर्व विधायक अउरी लालू यादव के ओएसडी भोला यादव के सीबीआई गिरफ्तार कइले रहल। उनके कई ठिकाना पर भी छापेमारी कइल गइल रहल। उहवें सीबीआई के छापा पर एमएलसी सुनील सिंह भाजपा पर आरोप लगवलें रहलें। उ एह छापा के राजनीति से प्रेरित बतवलें। कहलें, ई जानबूझकर के कइल जा रहल बा। एकर कौनो मतलब नाइ बा। ऊ ई सोच के अइसन कर रहल बानें कि डर के मारे विधायक उनके पक्ष में आ जइहें।
Comments are closed.