रूस के राष्ट्रपति व्लादिमीर पुतिन के अमेरिका आ पश्चिम के चेतवला का एक दिन बाद ब्रिटेन एलान कइले बा कि ऊ यूक्रेन का साथे मिल के रूस के आक्रामकता रोके में मदद करे खातिर उन्नत हथियार उपलब्ध करावे वाला बा. ब्रिटेन के रक्षा सचिव बेन वालेस एलान कइलन कि जइसे-जइसे रूस के रणनीति बदलत जाई, यूक्रेन के समर्थन भी बदले के चाहीं। एतने ना, इहो कहल गइल कि यूक्रेन के सैनिकन के एह बात के प्रशिक्षण दिहल जाई कि एह नया लांचरन के इस्तेमाल कइसे कइल जाव.
दरअसल ब्रिटेन यूक्रेन के अत्याधुनिक एम 270 रॉकेट लांचर देबे के एलान कइले बा. एह रॉकेट लांचर के प्रभावी फायरिंग रेंज 80 किलोमीटर बतावल जात बा. रूस से युद्ध के शुरुआत से ही ब्रिटेन यूक्रेन के मदद कईले बा| ब्रिटेन यूक्रेन के विमान विरोधी मिसाइलन के भंडार भेज दिहलसि. वालेस कहले कि यूक्रेन खातिर ब्रिटेन के समर्थन जारी रही। फिलहाल ब्रिटिश सेना फिलहाल यूक्रेन के सैनिकन के बख्तरबंद गाड़ी के इस्तेमाल करे के प्रशिक्षण दे रहल बिया।
एकरा से पहिले हाल ही में अमेरिका यूक्रेन के हार्पून एंटी शिप मिसाइल अवरू एम142 हाई मोबिलिटी आर्टिलरी रॉकेट सिस्टम देवे के भी घोषणा कईले रहे। अमेरिका यूक्रेन के 70 करोड़ डॉलर के सुरक्षा सहायता देवे के योजना के भी घोषणा कईले बा, जवना में चार गो परिशुद्धता से निर्देशित, मध्यम दूरी के रॉकेट सिस्टम के संगे-संगे हेलीकाप्टर, जेवेलिन एंटी टैंक सिस्टम, रडार, सामरिक वाहन अवुरी बहुत कुछ शामिल बा।एह में शामिल बा।
ब्रिटेन के ई एलान हालही में रूस के राष्ट्रपति व्लादिमीर पुतिन पश्चिमी देशन के चेतवले बाड़न कि अगर अमेरिका यूक्रेन के लंबी दूरी के मिसाइल देत बा त रूस नया निशाना पर हमला करी. पुतिन कहले कि हमनी के अयीसन निशाना प हमला करब, जवना प हमनी के अभी तक हमला नईखी कईले। हालांकि पुतिन ओह निशाना के नाम ना बतवले.
हम बता दीं कि रूस-यूक्रेन युद्ध के सौ दिन से अधिका हो गइल बा बाकिर कवनो नतीजा नइखे लउकत. इहाँ यूक्रेन के सशस्त्र सेना के जनरल स्टाफ दावा कईले बा कि अभी तक हमनी के रूसी सेना के 31 हजार सैनिक के हत्या क देले बानी। इ आंकड़ा युद्ध के शुरुआत से यानी 24 फरवरी से 3 जून तक के बा|
Comments are closed.