आज लोग बिहार कोकिला शारदा सिन्हा के आखिरी विदाई लोर के आंख से कर रहल बाड़े। पटना के राजेन्द्र नगर आवास पs लोग के भीड़ आपन अंतिम श्रद्धांजलि देवे खातीर जुटल बा। सीएम नीतीश कुमार उनुका नश्वर पार्थिव शरीर पs माला अर्पित कs के दिल से श्रद्धांजलि अर्पित कईले। गुलबी घाट के आखिरी सफर शुरू हो गइल बा. बेटा अंशुमान सिन्हा उनका के कंधा देले। भाजपा के सांसद रहल रामकृपाल यादव आ विधायक संजीव चौरसिया भी कंधा देले। बिहार कोकिला के गावल आखिरी छठ गीत आखिरी सफर के दौरान बाज रहल बा। उनुकर अंतिम संस्कार राज्य के सम्मान के संगे कईल जाई। एह दौरान नेता प्रतिपक्ष तेजस्वी यादव, पूर्व केंद्रीय मंत्री अश्विनी चौबे, भाजपा के वरिष्ठ नेता घाट में शामिल हो सकतारे। एहिजा भाजपा के राष्ट्रीय अध्यक्ष जेपी नड्डा आजु साँझ पटना अइहें. राजेन्द्र नगर में शारदा सिन्हा के घर जाके श्रद्धांजलि दीहें।
आखिरी इच्छा रहे कि गुलबी घाट पर ही अंतिम संस्कार करावल जाव.
22 सितंबर के लोक गायिका शारदा सिन्हा के पति ब्रज किशोर सिन्हा के निधन हो गईल। उनकर अंतिम संस्कार गुलबी घाट पs भइल। बेटा अंशुमान सिन्हा बतवले कि पिता के गईला के बाद माई के मनोबल पूरा तरीका से टूट गईल। एक दिन उनसे बात करत घरी कहली कि गुलबी घाट पs हमार आखिरी विदाई होखे के चाहीं. एहसे महतारी के अंतिम इच्छा पूरा करे खातीर गुलबी घाट पs अंतिम संस्कार कईल जाई।
