बिहार के स्वर कोकिला अवुरी छठ पूजा के लोकगीत खातीर मशहूर शारदा सिन्हा के 72 साल के उमर में निधन हो गईल। शारदा सिन्हा पिछला कुछ दिन से बहुते बेमार रहली आ दिल्ली के एम्स में भर्ती रहली. एही बीच मंगल के उनुका के वेंटिलेटर सपोर्ट दिहल गईल अवुरी उनुकर बेटा बतवले कि महतारी के हालत बहुत खराब बा। शारदा सिन्हा रात 9.27 बजे आखिरी सांस लेहली।
शारदा सिन्हा के अंतिम संस्कार पटना में राज्य के सम्मान के संगे होई
भाजपा सांसद मनोज तिवारी कहले कि शारदा सिन्हा के अंतिम संस्कार आज पटना में राज्य के सम्मान के संगे होई। शारदा सिन्हा के शव के बुध के सबेरे फ्लाइट से पटना ले जाइल जाई आ ओकरा बाद आखिरी दर्शन खातिर रखल जाई। पद्म विभूषण स्वर कोकिला शारदा सिन्हा के निधन के बाद बेगूसराय जिला के सीहमा में ससुराल में शोक के लहर बा.
भाजपा नेता मनोज तिवारी कहले कि शारदा सिन्हा के अंतिम संस्कार पटना में होई। आजु सबेरे शव के इंडिगो फ्लाइट से पटना ले जाइल जाई. उs बतवले कि एयरपोर्ट पs कागजी प्रक्रिया में डेढ़ से दु घंटा लाग सकता। मनोज तिवारी बतवले कि शारदा सिन्हा के अंतिम संस्कार पटना में राज्य के सम्मान के संगे होई। शारदा सिन्हा मंगल के देर रात 72 साल के उमर में आपन आखिरी सांस लेहली। मनोज तिवारी बतवले कि आजु दुपहरिया बारह बजे के बाद शारदा सिन्हा के लाश आखिरी दर्शन खातिर पटना में राखल जाई.
शारदा सिन्हा के पद्म भूषण आ पद्म विभूषण से सम्मानित कइल गइल. उनुका के बिहार के स्वर कोकिला कहल जात रहे। शारदा सिन्हा के कई गो बड़हन पुरस्कार से सम्मानित कइल गइल बा. शारदा सिन्हा बॉलीवुड में भी बहुत गाना गवले रहली।
