पटना। बिहार के वित्त रहित विद्यालय आ महाविद्यालय में काम करे वाला शिक्षकन आ गैर-शैक्षणिक कर्मचारियन खातिर बड़ खबर बा। मुख्यमंत्री सम्राट चौधरी शिक्षकन आ कर्मचारियन के भुगतान खातिर अनुदानित विद्यालय आ महाविद्यालयन के कुल 461 करोड़ रुपिया के सहायक अनुदान जारी करे के घोषणा कइले बाड़ें।
कहां इस्तेमाल होई ई राशि?
मुख्यमंत्री सम्राट चौधरी कहलें कि एह राशि के इस्तेमाल संबंधित शिक्षण संस्थान में काम करे वाला शिक्षकन आ साक्षर/गैर-शैक्षणिक कर्मियन के भुगतान खातिर कइल जाई। अनुदान जारी होखला से बहुत समय से भुगतान के इंतजार कs रहल शिक्षक आ कर्मचारी लाभान्वित होई लो।
सरकार के जोर कवना बात पs बा?
मुख्यमंत्री सम्राट चौधरी कहलें कि सरकार शिक्षकन, कर्मचारियन आ शिक्षण संस्थानन के हित में लगातार काम कs रहल बिया। शिक्षा बेवस्था के मजबूत बनवला के संगे शिक्षकन आ कर्मियन के समस्या के समाधान पs सरकार के जोर बा।
461 करोड़ रुपिया के अनुदान जारी भइला से वित्त रहित विद्यालय आ महाविद्यालय में काम करे वाला शिक्षकन आ गैर-शैक्षणिक कर्मचारियन के भुगतान में मदद मिली।
