पूर्व मंत्री अली अशरफ फातमी जदयू से इस्तीफा दे दिहले बाड़न । फातमी जदयू के सभ पद से इस्तीफा दे देले बाड़नऽ। एकरा संगे-संगे उ पार्टी के प्राथमिक सदस्यता से भी इस्तीफा दे देले बाड़नऽ।
पटना : लोकसभा चुनाव से पहिले एनडीए गठबंधन के संगे चुनाव लड़े वाली जदयू के बड़ झटका लागल बा। इहाँ जदयू नेता अली अशरफ फातमी पार्टी से इस्तीफा दे देले बाड़नऽ। मानल जाता कि काल्ह अली अशरफ फातमी राजद में शामिल हो सकऽ तारे। बता दीं कि फातमी केंद्रीय मंत्री रहल बाड़न । इस्तीफा देवे के संगे-संगे फातमी एगो चिट्ठीयो लिखले बाड़न। एहमें ऊ लिखले बाड़न कि “नैतिक मूल्यन के रक्षा खातिर हम प्राथमिक सदस्य का संगे जनता दल यूनाइटेड के सगरी पद से इस्तीफा दे रहल बानी । रउरा सभे एकरा के स्वीकार करीं ।”
