आजमगढ़-रामपुर उपचुनाव 2022: बूथों पर कतार, अभिन ले रामपुर में 23% आजमगढ़ में 24% मतदाता कइले मतदान
आजमगढ़ आ रामपुर लोकसभा उपचुनाव के वोटिंग आजु सबेरे सात बजे से चलत बा. मतदाता दुनु सीट पर वोट देबे खातिर उत्साह देखावत बाड़े. सबेरे से बूथ प मतदाता के कतार लागल बा। 11.00 बजे तक रामपुर में 18.81% आ आजमगढ़ में 19.84% मतदाता के मतदान दर्ज भइल।
दुनो सीट प सपा अवुरी भाजपा के प्रतिष्ठा दांव प लागल बा। वोट के गिनती 26 जून के होखी. बसपा रामपुर में कवनो उम्मीदवार नइखे दिहले. आजमगढ़ में बसपा के उम्मीदवार गुड्डू जमाली बाड़े। सपा-भाजपा अवुरी बसपा अपना-अपना जीत के दावा करतिया। अबकी भाजपा दुनो सीट प आपन पूरा ताकत फेंक देले बिया। जबकि अखिलेश यादव उपचुनाव के प्रचार से अपना के दूर रखले। उ ना त आजमगढ़ में प्रचार खाती गईले, ना रामपुर में।
पिछला विधानसभा चुनाव में जीत के बाद सपा अध्यक्ष अखिलेश यादव आ आजम खान के लोकसभा के सदस्यता से इस्तीफा दे दिहला का चलते आजमगढ़ आ रामपुर सीट के उपचुनाव हो गइल बा. समाजवादी पार्टी आजमगढ़ में बदाऊन के पूर्व सांसद धर्मेंद्र यादव के खड़ा कईले बिया जबकि भाजपा दिनेश लाल यादव निरहुआ के आपन उम्मीदवार बनवले बिया। निरहुआ 2019 के लोकसभा चुनाव भी आजमगढ़ से भाजपा उम्मीदवार के रूप में चुनाव लड़ले रहले लेकिन अखिलेश यादव से हार गईले। अबकी निरहुआ अवुरी पूरा भाजपा उनुका जीत के दावा करतिया।
आजम खान के गढ़ रामपुर में समाजवादी पार्टी उनुकर करीबी सहायक असीम रजा के मैदान में उतार देले बिया। जबकि भाजपा घनश्याम लोधी प दांव लगा देले बिया। घनश्याम लोधी आजम खान के भी करीबी रहल बाड़े। 2004 में एमएलसी अवुरी 2007 में विधायक बनले। उ 2009 के लोकसभा चुनाव में हार गईले। सपा से पहिले घनश्याम लोधी भी बसपा में रह चुकल बाड़े। उ 2022 में ही भाजपा में शामिल हो गईल बाड़े। रामपुर में आजम खान स्वस्थ ना होखला के बावजूद चुनाव प्रचार में बहुत सक्रिय रहले। शायद इ पहिला मौका बा जब कांग्रेस के सबसे बड़ स्थानीय चेहरा बिना पार्टी छोड़ले पूरा चुनाव भाजपा के संगे रहल। अब देखे के होई कि पूर्व मंत्री नवाब काजिम अली खान उर्फ नवेद मियां मुसलमान से आजम अवुरी सपा के खारिज करे के खुला अपील केतना कारगर काम करता। फिलहाल मानल जाता कि सपा-भाजपा के बीच मुकाबला सीमित बा।
Comments are closed.