अरविंद केजरीवाल के केंद्र सरकार से अपील, ‘नोट पर गांधीजी के साथ होखे लक्ष्मी गणेश के फोटो’

उ कहलें कि देश के अर्थव्यवस्था बुरे दौर से गुजर रहल बा। डॉलर के मुकाबले रुपया कमजोर होत जा रहल बा। आम आदमी पर एकर असर साफ नजर आ रहल बा। एकर मार आम आदमी के भुगते के पड़ रहल बा। हम चाहतनी कि भारत अमीर देश बने, लोग अमीर बने। एकरे खातिर हमनी के कई सार कदम उठावे के पड़ी। हमनी के बड़ तादात में अस्पताल के निर्माण करे के बा, स्कूल खोले के बा। इन्फ्रास्ट्रक्चर तैयार करे के बा।

केजरीवाल कहलें कि हमनी के कोशिश तब्बे कामयाब होई जब हम पर भगवान के आशीर्वाद होई। ऊ कहलें कि कई बेर अइसन होला कि काफी मेहनत कइले के बाद भी कौनो नतीजा नाइ आवsला। अइसे में भगवान के आशीर्वाद के जरूरत होला। जब देवी देवता के आशीर्वाद होखे त नतीजा आवे लागsला।