सबेरे-सबेरे: कहीं रउरो तs नइखी खात केमिकल वाला तरबूज… अइसे करीं मिलावटी Watermelon के पहचान

 

गरमी के मौसम में लोग पानी के फल के तरबूज के बहुत सेवन करेला। तरबूज के सबसे जादा गरमी के मौसम में खाइल जाला काहे कि इs हमनी के शरीर में पानी के कमी से बचावेला। एकरा अलावे इs शरीर के हाइड्रेटेड राखे में भी मदद करेला। देखाई देवे में लाल, मीठ अवुरी पानी से भरल तरबूज में भी बहुत पोषक तत्व होखेला जवन कि स्वास्थ्य खातीर बहुत फायदेमंद होखेला। एही कारण से एह मौसम में एह फल के मांग बढ़ जाला। लईका से लेके बड़ आदमी ले गरमी में तरबूज के बहुत मजा लेवेला।

लेकिन का रउवा जानत बानी कि आजकल जवन फल रउवा खा रहल बानी उs केमिकल आधारित तरबूज हs अवुरी एकरा से फायदा के बजाय आपके स्वास्थ्य के नुकसान हो सकता। हँs, रउरा तs ठीके पढ़त बानी, आजुकाल्हु बजार में अंधाधुंध तरबूज बेचल जा रहल बा. हाल ही में भारतीय खाद्य सुरक्षा आ मानक प्राधिकरण (एफएसएसएआई) एगो वीडियो जारी कइले बा जवना में बतावल गइल बा कि फिलहाल बाजारन में रसायन वाला तरबूज बेचल जा रहल बा. एह वीडियो में उs केमिकल वाला तरबूज के पहचान करे के एगो कारगर तरीका भी बतवले बाड़े ताकि आपके स्वास्थ्य के कवनो नुकसान ना होखे। आईं जानीं जा कि मिलावट वाला तरबूज के पहचान कईसे कईल जाला?

मिलावट वाला तरबूज के पहचान करे के तरीका

•सूती कपड़ा से जांच करीं : तरबूज में रसायन के पहचान करे खातिर तरबूज के दु भाग में काट लीं। एकरा बाद एगो सूती कपड़ा लेके ओकरा के लाल गूदा वाला हिस्सा पs रगड़ लीं। अगर कपड़ा के रंग लाल हो जाला तs समझीं कि तरबूज में रसायन मिलावल बा।

•पानी से पहचान करीं : तरबूज के टुकड़ा काट के पानी से भरल पैन में डाल दीं। अगर पानी से लाल रंग निकल जाला तs समझीं कि तरबूज के रसायन से पकावल गइल बा।

•स्वाद में बदलाव : रसायन से पकावल तरबूज के मिठास के बारे में आपके पता चल जाई। रसायन से पकावल तरबूज में मिठास कम होखेला। अइसना में अगर तरबूज काटला पs लाल हो जाला बाकिर ओकरा में मिठास के कमी होखे तs समझीं कि एकरा के केमिकल से तइयार कइल गइल बा.

ई बेमारी केमिकल के कारन हो सकेला:

फल पकावे खातिर कैल्शियम कार्बाइड केमिकल के इस्तेमाल होला।हालांकि सरकार एs रसायन पs रोक लगा देले बिया। एकरा बाद भी बहुत फल व्यापारी एकर इस्तेमाल करेले। कैल्शियम कार्बाइड से किडनी अवुरी लिवर से जुड़ल बेमारी हो सकता। एकरा अलावे कैंसर के संभावना भी कई गुना बढ़ जाला।

तरबूज खरीदत घरी एह सब बात के ध्यान में राखीं:

•हमेशा हरियर तरबूज खरीदे के चाहीं।

•जवना तरबूज पs सफेद धब्बा होखे, ओकरा के मत खरीदीं।

•तरबूज के खाए से पहिले पानी से बढ़िया से धो लीं अवुरी ओकरा बाद ही खाईं।