अलीगढ़ के मीट फैक्टरी के पैकेजिंग यूनिट में अमोनिया रिसाव से 50 मजदूर भइलें बेहोश, डीएम-एसपी मौका पर पहुंचलें
महानगर से सटल तालसपुर स्थित अलदुआ मीट फैक्टरी के पैकेजिंग यूनिट में बियफ़े के सुबह अचानक अमोनिया गैस के रिसाव होखे लागल। एसे उहां काम कs रहल लगभग 50 मजदूर बेहोश हो गइलें। एकर खबर फइलतही फैक्टरी प्रबंधन में खलबली मच गइली।
गैस रिसाव से बेहोश भइल महिला लोग के जेएन मेडिकल कॉलेज में भर्ती करावल गइल, जहवाँ उनकर इलाज हो रहल बा। डीएम अउरी एसएसपी फैक्टरी अउरी अस्पताल में जा के स्थिति के जायजा लिहले बानें।
फैक्टरी में 50 मजदूरन के बेहोश होखले के खबर फइलतही जिला प्रशासन सक्रिय हो गइल। जिला अधिकारी (डीएम) अउरी वरिष्ठ पुलिस अधीक्षक (एसएसपी) मौका पर पहुंच गइल बानें। विशेषज्ञ अमोनिया रिसाव के बंद कs रहल बानें। मौका पर फैक्टरी में सब लोग मास्क लगावल शुरू कइल, जेसे केहू अउरी एकरे चपेट में न आ जाए।
3453800cookie-checkअलीगढ़ के मीट फैक्टरी के पैकेजिंग यूनिट में अमोनिया रिसाव से 50 मजदूर भइलें बेहोश, डीएम-एसपी मौका पर पहुंचलें
Comments are closed.