उत्तर प्रदेश विधानसभा चुनाव में हार के ले के अखिलेश यादव के पहिला रिएक्शन आ गइल बा। समाजवादी पार्टी के नेता एह नतीजो के सकारात्मक ढंग से लेहले के बात क रहल बानें। अखिलेश यादव ट्वीट क के कहनें, ‘उत्तर प्रदेश के जनता के हमनी के सीट ढाई गुना अउर मत प्रतिशत डेढ़ गुना बढ़वले खातिर हार्दिक धन्यवाद। हमनी के देखा देहनी जा कि भाजपा के सीट घटावल जा सकsला। भाजपा के ई घटाव निरंतर जारी रही। आधा से बेसी भ्रम अउर छलावा दूर हो गइल बा बाकी कुछ दिन में हो जाई। जनहित खातिर संघर्ष जारी रही।’ एसे पहिले गुरुवार के नतीजा निकलले के टाइम अखिलेश यादव के कौनो रिएक्शन सामने नाइ आइल रहल।
उप्र की जनता को हमारी सीटें ढाई गुनी व मत प्रतिशत डेढ़ गुना बढ़ाने के लिए हार्दिक धन्यवाद!
हमने दिखा दिया है कि भाजपा की सीटों को घटाया जा सकता है। भाजपा का ये घटाव निरंतर जारी रहेगा।आधे से ज़्यादा भ्रम और छलावा दूर हो गया है बाकी कुछ दिनों में हो जाएगा।
जनहित का संघर्ष जीतेगा!
— Akhilesh Yadav (@yadavakhilesh) March 11, 2022
