लखनऊ में अबूधाबी के फ्लाइट के इमरजेंसी लैंडिंग: ईंधन खत्म होखला पs यात्रियन में मचल अफरातफरी

लखनऊ के चौधरी चरण सिंह अंतरराष्ट्रीय एयरपोर्ट पs बुध के अचानक हड़कंप मच गइल। ईंधन खत्म होखला पs अबूधाबी से दिल्ली जा रहल इतिहाद एयरवेज के इमरजेंसी लैंडिंग करावल गइल। एसे यात्रियन में अफरातफरी मचल रहल।

एयरपोर्ट प्रशासन बतवलस कि अबूधाबी के इतिहाद एयरवेज के एगो विमान के बहुत देर हवा में चक्कर काटे के बादो दिल्ली में लैंडिंग के अनुमति ना मिलल। एह बीच विमान के ईंधन खत्म होखे लागल तs ओकरा के लखनऊ डायवर्ट कs दिहल गइल। इहां पs विमान के इमरजेंसी लैंडिंग करावल गइल।

दिल्ली एयरपोर्ट पs एक संगे कइयन गो विमान पहुंचल 

इतिहाद एयरवेज के विमान EY-210 अबूधाबी से दिल्ली जात रहे। दिल्ली एयरपोर्ट पs एक संगे कइयन विमानन के पहुंचला के कारण EY-210 विमान उहां पहुंचके हवा में चक्कर लगावत रहे। बहुत देर तक विमान के उतरला के अनुमति दिल्ली एटीसी ना देलस।

एह बीच विमान के ईंधन समाप्त होखे लागल। पायलट तुरंत लखनऊ एटीसी से संपर्क कइलस। एटीसी से अनुमति मिलतही बुध के सांझ चार बजे विमान के लैंडिंग लखनऊ के चौधरी चरण सिंह अंतरराष्ट्रीय एयरपोर्ट पs करावल गइल। लखनऊ एयरपोर्ट पs लैंडिंग के बाद विमान में ईंधन भरल गइल। दिल्ली में ट्रैफिक सामान्य होखला के बाद लखनऊ से विमान सांझ सात बजे रवाना भइल।

8991300cookie-checkलखनऊ में अबूधाबी के फ्लाइट के इमरजेंसी लैंडिंग: ईंधन खत्म होखला पs यात्रियन में मचल अफरातफरीno