स्वास्थ्य विभाग में तबादला के मामला गरमाए के बाद मुख्यमंत्री योगी आदित्यनाथ दखल देले बाड़े। उ मुख्य सचिव डीएस मिश्र के नेतृत्व में एगो समिति के गठन कईले बाड़े, जवना से पूरा मामला के जांच कईल जाई।
एह समिति में अपर मुख्य सचिव गृह अवनीश कुमार अवस्थी आ अपर मुख्य सचिव गन्ना संजय भौसरेड्डी के भी शामिल कइल गइल बा। मालूम बा कि स्वास्थ्य विभाग में डॉक्टर अवुरी कर्मचारी के तबादला के मामला के लेके उपमुख्यमंत्री ब्रजेश पाठक अपर मुख्य सचिव के चिट्ठी लिखले रहले।
ए मामला के लेके पूरा राज्य में हलचल मचल बा। प्रांतीय स्वास्थ्य आ चिकित्सा सेवा संघ भी ए समूचा मामला प आपत्ति जतवले बा। एकरा बाद मुख्यमंत्री तीन सदस्यीय समिति के गठन कईले बाड़े। प्रांतीय स्वास्थ्य आ चिकित्सा सेवा संघ के अध्यक्ष सचिन वैश मुख्यमंत्री के एह फैसला के स्वागत कइले बाड़न. उ कहले कि जांच समिति के संविधान से डॉक्टर के राहत मिली।