दिल्ली के रोहिणी इलाका में स्थित सीआरपीएफ स्कूल के बहरी भारी विस्फोट भईल, जवना के बाद धुआं के भारी झोंका देखाई देलस। एह विस्फोट के पूरा तरह से जाँच कइल जा रहल बा. एह विस्फोट केस के एफआईआर में एगो बड़हन खुलासा बा जवना में कहल गइल बा कि एहमें विस्फोटक के इस्तेमाल भइल बा. प्राथमिकी के मुताबिक विस्फोट एतना तेज रहे कि सीआरपीएफ स्कूल के दीवार में बहुत बड़ छेद हो गईल। एकरा संगे धमाका के जगह पs भारी मात्रा में सफेद पाउडर बिखराइल मिलल। एह पूरा घटना के जानकारी गृह मंत्रालय के दिहल गइल बा.
भारी धमाका भईल, खिड़की के शीशा टूट गईल
प्रत्यक्षदर्शी इहो बतवले रहले कि विस्फोट के बाद सफेद धुआं के झोंका निकलल बा अवुरी धमाका के आवाज़ एतना तेज रहे कि स्कूल के उल्टा ओर के दोकान के खिड़की के शीशा अवुरी साइनबोर्ड के नुकसान पहुंचल बा। दिल्ली पुलिस पुलिस के पीसीआर कॉल करेवाला आदमी से पूछताछ कईले बिया। फोन करेवाला बतवले कि उs घर में सुतल रहले, तबे उनुका जोरदार धमाका के आवाज सुनाई देलस अवुरी पुलिस के फोन कईले।
कवना तरह के विस्फोटक के इस्तेमाल भईल, जांच चलता
अपराध स्थल के निरीक्षण कईला के बाद विस्फोटक कानून के तहत अनजान लोग के खिलाफ प्राथमिकी दर्ज करावल गईल। हालांकि अबे ले इs पता नईखे चलल कि कवना प्रकार के विस्फोटक के इस्तेमाल भईल। बता दीं कि अतवार के सबेरे करीब 7.40 बजे विस्फोट भईल। एकरा बाद अराजकता मच गईल। पुलिस तुरंत मौका पs पहुंचल अवुरी जांच शुरू कs दिहल गईल। एह धमाका के हर कोण से जाँच हो रहल बा आ एह बात से इनकार ना कइल जा सकेला कि ई कवनो बड़हन साजिश के हिस्सा के रूप में भइल बा.
एहतियात के तौर पs दिल्ली में हाई अलर्ट जारी कईल गईल बा अवरू सुरक्षा भी बढ़ावल गईल बा। बड़का दोकान आ भीड़भाड़ वाला इलाका पs बारीकी से नजर राखल जा रहल बा.
Comments are closed.