दिल्ली से लंदन जाए वाला विस्तारा के फ्लाइट UK17 में बम के धमकी, फ्रैंकफर्ट में कइल गईल इमरजेंसी लैंडिंग
बम के धमकी मिलला के बाद दिल्ली से लंदन जाए वाली विस्तारा के फ्लाइट के फ्रैंकफर्ट के ओर डायवर्ट कs के इमरजेंसी लैंडिंग कs दिहल गईल। हालांकि जांच के दौरान विमान में कवनो संदिग्ध चीज़ ना मिलल। जवना के बाद विमान के लंदन भेज दिहल गईल बा। एयरलाइन के प्रवक्ता शनिचर के सबेरे जारी बयान में कहले कि विमान फ्रैंकफर्ट हवाई अड्डा पs सुरक्षित उतरल बा आ अनिवार्य जांच करावल गइल बा. प्रवक्ता कहले कि, 18 अक्टूबर के दिल्ली से लंदन जाए वाली विस्तारा के फ्लाइट नंबर ‘यूके17’ के सोशल मीडिया पs सुरक्षा के खतरा आईल रहे। प्रोटोकॉल के पालन करत तुरंत सभ संबंधित अधिकारी के एकरा बारे में जानकारी दिहल गईल अवुरी पायलट एहतियात के तौर पs उड़ान के फ्रैंकफर्ट के ओर मोड़ देले।
अकासा एयर के उड़ान पर बम के धमकी
अकासा एयर के कहनाम बा कि भोज के दिन बेंगलुरु से मुंबई खातिर फ्लाइट नंबर ‘क्यूपी 1366’ के रवाना होखे से कुछ समय पहिले सुरक्षा अलर्ट मिलल रहे। मुंबई हवाई अड्डा पs विमान के निरीक्षण के दौरान कवनो प्रकार के आपत्तिजनक सामान ना मिलल। सुरक्षा जांच के बाद विमान के उड़ान खातिर एनओसी जारी कईल गईल।
एयरलाइन सोशल मीडिया प्लेटफॉर्म पs लिखले बिया हम रउआ सभे से निहोरा बा कि एकरा के समझीं। हमनी के टीम रउरा असुविधा के कम से कम करे के पूरा कोशिश कईले बिया।
Comments are closed.