मध्य प्रदेश के गुना जिला में फर्जी नोट बनावे के एगो बड़ कारखाना के पर्दाफाश भइल बा, जवना से पूरा इलाका में हलचल मच गइल बा। पुलिस इ कार्रवाई सलमान नांव के एगो युवक के शिकायत के आधार पऽ कइलस, जवन कि 500 रुपया के फर्जी नोट देके ठगे के बात कहले। सलमान आरोप लगवले कि सलीम अउरी शाकिर नांव के दु बदमाश उनका के दुगुना पइसा के लालच देले बाड़े अउरी उनका के 20 हजार रुपया के बदला एक लाख रुपया देवे के वादा कइले बाड़े। उनका के मनावे खातिर जालसाज उनका के नोट बनावे के फार्मूला देखवले आ इहाँ तक कि वीडियो देखवले, जवना में सादा कागज अउरी रासायनिक पानी के इस्तेमाल से असली नोट तैयार कइल जाता।
आरोपी वीडियो में सलमान के नोट बनावे के कला देखवले, जवना में आसमान से नोट बरसत देखाई देलस। एही जाल में फंस के जब सलमान 20 हजार रुपया देले तऽ नकली नोट बनावे के नाटक करत बदमाश ओकरा के कुछ पइसा थमा देले। लेकिन जब इ नोट असली ना पावल तऽ उऽ पुलिस में शिकायत दर्ज करवले। पुलिस धोखाधड़ी के धारा के तहत प्राथमिकी दर्ज क आरोपी के तलाश शुरू कऽ देलस। जांच के दौरान सलीम अउरी शाकिर के हिरासत में लिहल गइल, जहां पूछताछ के दौरान पता चलल कि पीतामपुर के महेंद्र प्रजापति नाम के एगो आदमियो एह गिरोह के सक्रिय सदस्य बाड़े।
पुलिस गिरोह के लुकाईल जगह पऽ छापामारी कऽ केमिकल, प्रिंटर अउरी बाकी सामान समेत फर्जी नोट बनावे खाती सामग्री बरामद कइलस। पुलिस के आरोपी के मोबाइल फोन से बहुत चौंकावे वाला वीडियो मिलल, जवना में नोट बनावे के तरीका के बारे में विस्तार से बतावल गइल। वीडियो के माध्यम से आरोपी बहुत लोग के धोखा देवे अउरी फर्जी नोट से लुभाव के पईसा वसूले के कोशिश कइले रहले।
पुलिस मामला के गहराई से जांच करतिया आ पता लगावे के कोशिश करतिया कि एह गिरोह के नेटवर्क कतना फइलल बा आ एकर बाकी सदस्य कहाँ बाड़े। फिलहाल आरोपी से पूछताछ चलता आ पुलिस के उम्मेद बा कि आवे वाला दिन में अउरी बड़ खुलासा हो सकऽता, ताकि फर्जी नोट के इ रैकेट पकड़ल जा सके।
