मणिपुर में रॉकेट हमला के बाद स्कूल बंद

 

एक बेर फेरु शुक के दिने मणिपुर में रॉकेट आ बम हमला के मामिला सोझा आइल. एकरा बाद बिष्णुपुर जिला में बम हमला से पैदा भईल अशांति के देखत मणिपुर सरकार 7 सितंबर के स्कूल बंद करे के एलान कईलस। शिक्षा निदेशालय के ओर से जारी अधिसूचना के मुताबिक, छात्र अवुरी शिक्षक के सुरक्षा खातीर राज्य के सभ स्कूल 7 सितंबर के बंद रही। अधिसूचना में कहल गईल कि, राज्य में जारी अशांति अवुरी स्थिति के देखत अवुरी छात्र अवुरी शिक्षक के सुरक्षा के ध्यान में राखत केन्द्रीय विद्यालय, जवना में सभ सरकारी अवुरी निजी स्कूल समेत 7 सितंबर के बंद रही।

रॉकेट हमला में एगो आदमी के मउत हो गईल

एह संबंध में एगो अधिकारी बतवले कि बियफे के दुपहरिया में बिष्णुपुर जिला के मोइरांग के आवासीय इलाका में संदिग्ध आतंकियन के बम हमला में एगो बुजुर्ग के मउत हो गइल आ पाँच जने घवाहिल हो गइले. ई रॉकेट पूर्व मुख्यमंत्री मैरेम्बम कोइरेंग के आवास परिसर में गिरल रहे। ई दुसरका रॉकेट हs जवना पs बियफे के दिने जिला में हमला भइल. पछिला कुछ दिन में भईल ‘हाई टेक’ हमला के बाद इंफाल घाटी इलाका में तनाव फैल गईल बा। एह हफ्ता के शुरुआत में इंफाल पश्चिम जिला में दू जगहा ड्रोन के इस्तेमाल करे वाला लोग पs बम गिरावल गइल रहे.