सोमवार के सबेरे जिला में एगो दुखद हादसा देखाई देलस। इहाँ पिंजौर के पास एगो बस पलट गईल। बस के पलटला के बाद भईल एs दुर्घटना में 40 से जादे स्कूली बच्चा घाही होखे के बात कहल जाता। दुर्घटना के बाद मौका पs चिल्लाहट मच गईल। लइका-लइकी के हड़बड़ा के कवनो तरह ओहिजा से बाहर निकालल गइल। एकरा बाद सभ घाही के अस्पताल पहुंचावल गईल। फिलहाल सभ घायल बच्चा के अस्पताल में इलाज चलता। कुछ लोग के बेहतर इलाज खातिर रेफर भी कईल गईल बा। बतावल जाता कि ओवर स्पीड के चलते बस बेकाबू होके पलट गईल।
ओवर स्पीड के चलते दुर्घटना भईल
असल में ई हादसा पिंजौर के नौलटा गाँव के लगे भइल. बतावल जाता कि बस के ओवर स्पीड से चलावे के चलते दुर्घटना भईल। एकरा अलावे बस में यात्री के जादा संख्या यानी ओवरलोड अवुरी सड़क के खराब हालत भी दुर्घटना के कारण बतावल जाता। फिलहाल दुर्घटना के बाद घाही के पिंजौर अस्पताल अवुरी पंचकुला के सेक्टर 6 सिविल अस्पताल पहुंचावल गईल। घाही लोग के गंभीर हालत के देखत एगो महिला के चंडीगढ़ के पीजीआई रेफर कs दिहल गईल बा।
ड्राइवर आ कंडक्टर के निलंबित कs दिहल गइल
जानकारी देत पंचकुला के सीएमओ डॉ मुक्ता कुमार बतवले कि पंचकुला के सेक्टर 6 से 22 घायल लइका के सिविल अस्पताल ले आवल गईल बा। बस एगो महिला पs पलट गईल, ओकरा के चंडीगढ़ पीजीआई रेफर कss दिहल गईल बा। पंचकुला जिला उपायुक्त डॉ. यश गर्ग एह दुर्घटना में 50 बच्चा घायल होखे के जानकारी देले बाड़े। दुर्घटना के बाद प्रशासन मामला के संज्ञान लेके चालक अवुरी कंडक्टर के निलंबित कs देलस। फिलहाल हरियाणा रोडवेज के मिनी बस के चालक दुर्घटना के बाद मौका से फरार बा, जबकि कंडक्टर चोट के चलते पंचकुला के सेक्टर 6 में स्थित सिविल अस्पताल में भर्ती बाड़े।
Comments are closed.