Banaras: पुलिस आयुक्त मोहित अग्रवाल मंगर के श्रीकाशी विश्वनाथ धाम के सभागार में सुरक्षाकर्मियन के सोझा भइल रहले। पुलिसकर्मियन के निर्देश देले रहले कि श्रद्धालु लो श्रीकाशी विश्वनाथ धाम में दर्शन पूजन करे आवेला एही खातिर उनका लो के मदद कइल जरूरी बा। भीड़ प्रबंधन के नाम पऽ धक्का देला पऽ रोक लगावत नो टच पालिसी लाग कर देले।
श्रीकाशी विश्वनाथ धाम के गर्भ गृह में बुधवार को पुलिसकर्मी लो सादा वेश में ड्यूटी कइलस। गेरुवा वस्त्र आ ओम लिखल दुपट्टा ओढ़ले पुलिसकर्मी श्रद्धालुअन के दर्शन में मदद करत उत्साहित नजर आ रहल बाड़े। पुलिसकर्मियन के ड्यूटी श्रद्धालुअन के भगवान के स्वरूप के दर्शन करावे में मदद करे खातिर लगावल गइल बा।
भीड़ प्रबंधन के नाम पऽ धक्का दिहल पऽ रोक लगावत नो टच पालिसी लागू कर दिहले। उनका निर्देश के क्रम में बुध के पहिला दिन मुख्य आरक्षी सुधीर कुमार, पवन कुमार, कांस्टेबल मंगल सिंह, राजेंद्र सिंह, संजीव कुमार, महिला कांस्टेबल उर्मिला वर्मा, अंकु, सिम्मल सिंह आदि के सादा वेश में ड्यूटी लगावल गइल। पुलिसकर्मियन के सादा वेश में ड्यूटी लगवला पऽ स्थानीय लोग एकर बड़ाई कइलस।
पुलिसकर्मियन के लंच के खातिर मिली जगह
पुलिसकर्मियन के श्रीकाशी विश्वनाथ धाम में आठ-आठ घंटा के ड्यूटी लागेला। पुलिस आयुक्त सुरक्षा गोष्ठी में निर्देश देत पुलिसकर्मियन के पीड़ा जानल गइल तऽ महिला जवान लो कहल कि लंच करे के जगह ना होखला से मुश्किल उठावे के पड़ेला।
आठ (सुबह आठ से चार) घंटा के ड्यूटी में इत्मीनान से लंच ले ना कर पावेनी सन। पुलिस आयुक्त मोहित अग्रवाल ने बतवले कि मंदिर प्रशासन के सुरक्षाकर्मियन के ए समस्या से अवगत करावल गइल बा, जलदिए एकर कवनो हल निकली।
