कर्नाटक के राजधानी बेंगलुरु के एगो होटल में एगो महिला के अनुचित तरीका से छूवे के आरोप में पुलिस एगो आदमी के गिरफ्तार कs लेले बिया। पुलिस बुध के दिने कहलस कि ऊ आदमी आपन दोस्तन के साथे दांव लगवले रहुवे जवना के बाद ऊ ईs गलत काम कइलस। पूछताछ के दौरान चंदन नाम के एगो युवक पुलिस के बतवले कि उनुकर दोस्त उनुका के एगो होटल में एगो लईकी के संगे अश्लील काम करे के चुनौती देले बाड़े। पुलिस के कहनाम बा कि, इs घटना पछिला साल 30 दिसंबर के भईल रहे अवुरी आरोपी गैस सिलेंडर पहुंचावे में शामिल रहले।
पुलिस एक जनवरी के प्राथमिकी दर्ज करवले रहे
खबर के मुताबिक इs घटना 30 दिसंबर 2023 के सांझ के करीब 7.30 बजे बेंगलुरु के विजयनगर इलाका के नाममूटा होटल में भईल रहे। होटल के एगो महिला कर्मचारी शिकायत दर्ज करवले रहली कि उs आरोपी के कैश काउंटर के नजदीक खड़ा एगो महिला के अनुचित तरीका से छूवत देखले रहली,जबकि उनुकर दोस्त कथित तौर पs इs सभ देख के हंसत रहले। पुलिस एs मामिला में 10 जनवरी के प्राथमिकी दर्ज करवले रहे। महिला आरोपी चंदन के एs कार्रवाई पs कड़ा आपत्ति जतवली अवुरी उनुकर सामना कईलस, जवना के बाद अवुरी लोग भी जुट गईले।
पुलिस के सीसीटीवी फुटेज मिलल
हालांकि आरोपी के दावा बा कि उs निर्दोष बा अवुरी आपन दोस्त के नशा में आ गईल बा। जांच के दौरान पुलिस के पता चलल कि आरोपी एगो समूह बनवले बाड़े, जवन कि होटल में आवे वाली युवती अवुरी महिला के निशाना बनावत रहे। ओहमें से एगो लइकी भा मेहरारू के अनुचित तरीका से छूवत रहे आ बाकी आरोपी ईs सब देखत रहले। अगर एह दौरान ओहमें से केहू फंस जाव तs एकजुट होके भाग जास बेंगलुरु के एगो होटल में भईल एs घटना से जुड़ल सीसीटीवी फुटेज पुलिस के मिलल बा।
आरोपी मउका से फरार हो गईल रहल
सीसीटीवी फुटेज से पता चलता कि 3 आरोपी होटल पहुंचले अवुरी अशोभनीय काम के योजना बनावत देखाई देतारे। एक युवक लईकी से अश्लील हरकत कईले, जबकि ओकर दु अवरू दोस्त एs हरकत के पूरा ध्यान से देखत रहले। आरोपी चंदन के एs कार्रवाई पs महिला आपत्ति जतावत देखल जा सकता। घटना के बाद होटल में मौजूद बाकी लोग आरोपी लोग से पूछताछ करेले। जब आरोपी के एहसास भईल कि तीनों के घेराबंदी कईल जाता तs उs लोग उहाँ से भाग गईले। पुलिस बाकी दुनो आरोपी के तलाश शुरू कs देले बिया।
Comments are closed.