Padma Awards के एलान, 132 हस्तियन के मिली सम्मान

 

भारत सरकार गणतंत्र दिवस से एक दिन पहिले एह साल के पद्म पुरस्कार के एलान कइले बिया। एकरा तहत 132 सेलिब्रिटी के सम्मानित कईल जाई। एहमें विभिन्न क्षेत्र के उत्कृष्ट कलाकार, कर्मचारी आ व्यक्तित्व शामिल बाड़े।

पद्म पुरस्कार गणतंत्र दिवस के मउका पs दिहल जाए वाला सबसे बड़ नागरिक सम्मान में से एगो हs, जवन कि एs देश खातीर अपार योगदान देवे वाला लोग के दिहल जाला। एहमें से पांच गो के पद्म विभूषण, 17 गो के पद्म भूषण आ 110 गो के पद्मश्री से सम्मानित कइल जाई। बताईं कि एह साल देश के कवन 132 गो हस्ती के एह पुरस्कार से सम्मानित कइल जाई।

पद्म विभूषण

उपराष्ट्रपति एम. वेंकैया नायडू, हिंदी सिनेमा के अदाकारा वैजयंतीमाला, नृत्यांगना पद्मा सुब्रमण्यम, साउथ सुपरस्टार चिरंजीवी आ बिंदेश्वर पाठक के पद्म विभूषण से सम्मानित कइल जाई।

पद्म भूषण

पद्म भूषण से सम्मानित लोग में बॉलीवुड के कलाकार मिथुन चक्रवर्ती, उषा उथुप, फातिमा बीबी आ राज्यपाल रहल राम नाइक शामिल बाड़े।

पद्मश्री

पद्मश्री के सम्मान अलग-अलग क्षेत्र के 110 उदार कर्मचारी अवुरी कलाकार के दिहल जाई, जेकरा इs सम्मान मिली।

पद्म पुरस्कार के महत्व

पद्म अवार्ड के इतिहास देश के सबसे बड़ सिविल अवार्ड में गिनल जाला। देश के विभिन्न क्षेत्रन में उत्कृष्टता के सम्मान में पद्म पुरस्कार (पद्म भूषण, पद्म विभूषण, पद्मश्री) के स्थापित बा।

पुरस्कार से सम्मानित व्यक्तियन के लाभ

पद्म से सम्मानित लोग के राष्ट्रपति के हस्ताक्षर आ मुहर वाला प्रमाणपत्र, पदक के प्रतिकृति आ नकद पुरस्कार दिहल जाला।

पद्म पुरस्कार के चयन प्रक्रिया

– सगरी राज्य सरकार, केंद्र सरकार भा पद्मविभूषण से सम्मानित कवनो व्यक्ति नाम के सिफारिश कs सकेला।

– कवनो आदमी खुद से भी आवेदन कs सकेला, एकरा खातिर awards.gov.in वेबसाइट पs जाके आवेदन करे के पड़ी।

– एक मई से 15 सितंबर के बीच सिफारिश कईल जा सकता, अवुरी नाम वापस लेवे के अंतिम तारीख 15 सितंबर बा।

– प्रधानमंत्री समिति नाम पs विचार कs के पीएम आ राष्ट्रपति के भेज देले।

– एक साल में 120 गो पद्म पुरस्कार दिहल जा सकेला बाकिर अगर विदेशी आ मरणोपरांत शामिल होखे वाला लोग के शामिल कइल जाव तs ई संख्या बढ़ सकेला।

कवन पद्म पुरस्कार कब दिहल जाला?

 १- पद्म विभूषण

-सेवा क्षेत्र : एकरा के असाधारण आ विशिष्ट सेवा खातिर दिहल जाला।

-चयन : समिति राज्य सरकार, केंद्र सरकार, आ पिछला नामी लोग के सिफारिश के आधार पs चयन करेले।

 २- पद्म भूषण

-सेवा क्षेत्र: उच्च गुणवत्ता वाला विशिष्ट सेवा खातिर उपलब्ध करावल जाला।

-चयन : चयन सरकारी अधिकारी, कला आ साहित्य, ज्ञान, खेल, आ सामाजिक क्षेत्र के नामी व्यक्ति लोग के सिफारिश के आधार पs होला।

 ३-पद्मश्री

-सेवा क्षेत्र: विशिष्ट सेवा खातिर दिहल जाला।

-चयन : चयन ओह लोग के सिफारिश के आधार पs होला जे सामाजिक सेवा, कला, साहित्य, विज्ञान, खेल, आ सरकारी कर्मचारी के अलावा सामाजिक क्षेत्र में उत्कृष्टता देखवले होखे।

 

 

7206200cookie-checkPadma Awards के एलान, 132 हस्तियन के मिली सम्मानno