Airport Security: हवाईअड्डन खातिर विशेष सुरक्षा एजेंसी स्थापित करे के सुझाव, संसदीय समिति कइलस सिफारिश

देस में हवाई यात्रियन के बढ़ती संख्या के बीच एगो संसदीय समिति सोमार के सरकार से हवाईअड्डन खातिर विशेष सुरक्षा एजेंसी स्थापित करे के व्यवहार्यता पs विचार करे के सुझाव देले बिया। एकरा अलावे, समिति हवाई यात्रियन के उपद्रवी बेवहार के ममिलन में पुलिस आ अदालतन से निपटे खातिर एगो विशेष विंग गठित करे के प्रस्तावो देले बिया। समिति विमानन नियामक डीजीसीए से अइसन घटनन खातिर शून्य-सहिष्णुता नीति लागू करे के आग्रह कइले बिया।

परिवहन, पर्यटन आ संस्कृति पs विभाग-संबंधित संसद के स्थायी समिति संसद में सोमार के पेश अपना रिपोर्ट में ई सिफारिश समिति कहलस कि केंद्रीय औद्योगिक सुरक्षा बल (सीआईएसएफ) के कुल 353 इकाइयन में से 66 इकाई हवाईअड्डन पs तैनात बा आ जवना तेजी से नागरिक उड्डयन क्षेत्र के बढ़ला के उम्मीद बा। ओसे हवाईअड्डन पs सुरक्षा प्रदान करे में लागल कर्मचारियन के जरूरतो बढ़ी। रिपोर्ट में कहल गइल बा कि एहिसे, समिति सिफारिश करत बिया कि नागरिक उड्डयन मंत्रालय गृह मंत्रालय के परामर्श से खाली हवाईअड्डन खातिर एगो विशेष सुरक्षा एजेंसी स्थापित करे के व्यवहार्यता के जांच सकत बा।

देस में एह समय 148 हवाईअड्डा परिचालन में बा। ताजा आंकड़न के मोताबिक, घरेलू हवाई यात्रियन के संख्या जून में एक साल पहिले के तुलना में 18.78 प्रतिशत बढ़के लगभग 1.25 करोड़ हो गइल बा। सीआईएसएफ के तैनाती के लागत (सीओडी) के भुगतान संबंधित हवाईअड्डा प्रबंधन द्वारा कइल जाला। 2019 में, उड्डयन मंत्रालय राष्ट्रीय विमानन सुरक्षा शुल्क ट्रस्ट (एनएएसएफटी) के स्थापना कइले रहे, जवन सुरक्षा एजेंसी के तैनाती लागत खातिर धन भेजेला।

संसदीय समिति कहलस कि सीआईएसएफ के सीओडी बकाया 4,707 करोड़ रुपिया से जादे बा। एकरा अलावे, 16 संयुक्त उद्यम हवाई अड्डन के कुल सीओडी बकाया 64 प्रतिशत से जादे बा।

6084410cookie-checkAirport Security: हवाईअड्डन खातिर विशेष सुरक्षा एजेंसी स्थापित करे के सुझाव, संसदीय समिति कइलस सिफारिशno