बिहार के मुख्यमंत्री नीतीश कुमार के नाव आजु गंगा नदी के किनारे स्थित छठ घाट के निरीक्षण के दौरान जेपी सेतु के एक खम्भा से टकरा गइल। घटना के बाद उहां अफरातफरी के माहौल हो गइल। हालांकि, गनीमत रहल कि सीएम नीतीश सहित नाव में सवार सब लोग सुरक्षित रहल।
तेज हवा के कारण बिगड़ल संतुलन
जानकारी के मुताबिक नीतीश कुमार नाव पर सवार हो के गंगा नदी में छठ घाट पर हो रहल साफ सफाई के जायजा लेवे गइल रहनें लेकिन एही दौरान तेज हवा के चलते नाव के संतुलन बिगड़ गइल जेसे नाव पिलर से टकरा गइल। बता देईं कि दिन में भारी बरखा के चलते गंगा के जलस्तर बढ़ गइल बा, जेकरे कारन नदी के पानी खतरा के निशान से ऊपर बह रहल बा।
जल संसाधन मंत्री संजय झा भी रहलें सीएम नीतीश के संगे
बता देईं कि छठ घाट के जायजा करे के दौरान नीतीश कुमार के साथ जल संसाधन मंत्री संजय झा भी मौजूद रहलें। एनके अलावा कई वरिष्ठ अधिकारी भी मौजूद रहल। हालांकि, मुख्यमंत्री के सुरक्षा खातिर उनके संगे गोताखोर के टीम भी चलत रहे। एकरे अलावा सीएम के पीछे अउर आगे कई छोट बोट पर सुरक्षा बल भी साथ रहल।
Comments are closed.