पानीपत में नशेड़ी ट्रक चालक के भगदड़ में पांच लोग के जान चल गइल बा आ एगो आदमी गंभीर रूप से घवाहिल हो गइल बा. गलत ओर से दिल्ली से चंडीगढ़ के ओर आवत ट्रक चालक फ्लाईओवर पs कई बेर दुर्घटना कs देले, जवना से इलाका में दहशत के माहौल बन गईल।
मिनी सचिवालय के सामने फ्लाईओवर के ग्रिल टूटला के बाद ट्रक भी एगो कार से टकरा गईल, जवना के चलते फ्लाईओवर पs लंबा जाम लागल रहे। स्थानीय लोग ड्राइवर के काबू में कs के पुलिस के हवाले कs देले। दुर्घटना के जानकारी मिलते पुलिस मौका पs पहुंच के शव के हिरासत में ले लेलस।
मरेवाला लोग में से दु युवक के पहचान सूरज अवुरी अनिकेत के रूप में भईल बा, जवन कि पावटी गांव के निवासी रहले। सूरज जिला सिविल अस्पताल में चउथा कक्षा के कर्मचारी रहले, जबकि अनिकेत पछिला एक साल से बिजली निगम में प्रशिक्षु के रूप में काम करत रहले। बाकी तीन मरेवाला के पहचान अबे ले नईखे भईल। एs दुर्घटना में एगो युवक गंभीर रूप से घाही हो गईल, जेकरा के रोहतक रेफरएss दिहल गईल बा। पुलिस मामला के छानबीन में जुटल बिया अवुरी मरेवाला अवुरी घाही के पहचान करे के कोशिश कईल जाता।
