छठ आ दीपावली में पटना-अहमदाबाद सहित छव जोड़ी पूजा स्पेशल ट्रेन चली, जल्दी करा लीं टिकट कंफर्म

पटना: त्योहार के लेके पटना- वाराणसी मेमू पैसेंजर स्पेशल मंगर से बक्सर तक चली। पूमरे के सीपीआरओ वीरेंद्र कुमार बतवले कि वाराणसी स्टेशन प ट्रैफिक/पावर ब्लॉक लिहल जाये के कारण पटना-वाराणसी मेमू पैसेंजर स्पेशल के परिचालन रद्द कइल गइल रहे। त्योहार के लेके मंगर से एकरा के आंशिक रूप से पटना आ बक्सर के बीच चलावे के निर्णय लिहल गइल।

पटना-अहमदाबाद सहित छव जोड़ी पूजा स्पेशल ट्रेन चली 

दीपावली आ छठ पूजा प रेलवे पटना-सिकदरांबाद, पटना- अहमदाबाद सहित छव जोड़ी पूजा स्पेशल ट्रेन चलावे के निर्णय लिहल गइल बा। पूमरे के सीपीआरओ वीरेंद्र कुमार बतवले कि ई पूजा स्पेशल ट्रेन पहिले से सूचित 24 जोड़ी पूजा स्पेशल ट्रेन के अतिरिक्त बा।

पूजा स्पेशल ट्रेन

• 03281 पटना-सिकंदराबाद पूजा स्पेशल 27 अक्तूबर से 10 नवंबर तक हर बियफे के सांझ 4:00 बजे।
• 03282 सिकंदराबाद-पटना 29 अक्तूबर से 12 नवंबर तक हर सनीचर के दुपहरिया 3:25 बजे।
• 09417 अहमदाबाद-पटना 17 अक्तूबर से 28 नवंबर तक हर सोमार के अहमदाबाद से सबेरे 09:10 बजे।
• 09418 पटना-अहमदाबाद 18 अक्तूबर से 29 नवंबर तक हर मंगर के रात 11:45 बजे।
• 01031 छत्रपति शिवाजी महाराज टर्मिनस-मालदा टाउन 17 आ 24 अक्तूबर के सबेर 11:05 बजे।
• 01032 मालदा टाउन-छत्रपति शिवाजी महाराज टर्मिनस 19 आ 26 अक्तूबर के 12:20 बजे।
• 01043 लोकमान्य तिलक टर्मिनस-समस्तीपुर 20 से 30 अक्तूबर तक हर अतवार आ बियफे के दुपहरिया 12:15 बजे।