जनता दरबार में सीएम योगी गोरखपुर में सुनलें फरियाद, अधिकारियन से कहलें- हर समस्या के तुरंत होखे समाधान

मुख्यमंत्री योगी आदित्यनाथ दू दिन के दौरा पर गोरखपुर आइल बानें  शुक्क के बिहाने गोरखनाथ मंदिर के हिंदू सेवाश्रम में जनता दरबार लागल। मौका पर मौजूद अधिकारियन के सीएम निर्देश दिहलें कि सबके साथ न्याय होखे के चाहीं। जनता दर्शन में बड़ संख्या में जमीन-जायदाद अउरी इलाज के मामिला आइल। मुख्यमंत्री जनता दर्शन में मौजूद अधिकारियन के जमीन के समस्या के समाधान जल्दी से जल्दी करे के निर्देश दिहलें। सथही इलाज खातिर धन के मांग के लेके आइल लोग पर विशेष ध्यान देवे के कहलें। उ अधिकारियन से कहलें कि आगे बढ़ के ऊ ई सुनिश्चित करें कि कौनो भी व्यक्ति के इलाज धन के अभाव में रुके न पावे। बहुत से लोग जमीन के विवाद के मामिला ले के पहुंचल रहे। एकरे अलावा बहुत से इलाज खातिर धन देवे के सिफारिश करत रहलें। उ 100 से बेसी लोग के समस्या सुनलें।