देश के राजधानी दिल्ली से एगो दर्दनाक खबर आ रहल बा। इहाँ एगो कार ड्राइवर आपन पड़ोसी के बेटी के ऊपर आपन गाड़ी चला दिहलस। घटना के बाद परिवार लईकी के अस्पताल पहुंचवले, जहां इलाज के दौरान ओकर मउत हो गईल। एकरा बाद आरोपी कार चालक के खिलाफ प्राथमिकी दर्ज करावल गईल बा। घटना से जुड़ल सीसीटीवी फुटेज भी सामने आईल बा, जवना में आरोपी लईकी के ऊपर गाड़ी चलावत देखाई देता।
सीसीटीवी फुटेज सामने आईल वीडियो में साफ देखाई देता कि लईकी घर के बहरी गली में खेलत बिया अवुरी कुछ लोग पास में एगो बेंच पs बईठल बाड़े। कुछ देर बाद उहाँ एगो गाड़ी आवेला, लईकी सड़क पs बईठ के कुछ करत बिया कि ड्राइवर ओकरा ऊपर गाड़ी चलावेला। गाड़ी स्टार्ट होखते एगो आदमी दौड़त आके ड्राइवर के रोक के वापस जाए के कहेला। गाड़ी रिवर्स होखते उs लईकी के उठावेले अवुरी लोग ओकरा परिवार के सूचना देवेले। वीडियो में कार चालक गाड़ी में बईठल देखाई देता।
इलाज के दौरान मउत
पुलिस से मिलल जानकारी के मुताबिक 31 मार्च के सांझ के करीब 6.15 बजे नबी करीम थाना में जानकारी मिलल कि पहाड़गंज के रामनगर इलाका में सड़क दुर्घटना में एगो 2 साल के बच्ची घायल हो गईल अवुरी ओकरा के अस्पताल में भर्ती करावल गईल बा। हालांकि इलाज के दौरान लईकी के मउत हो गईल। एकरा बाद पुलिस मौका पs पहुंच के लोग से पूछताछ कईलस।
इहो पढ़ीं: सबेरे-सबेरे: रोज करीं इs 4 गो योगासन, आंख के puffiness होई दूर
