बिहार विधानसभा में मुख्यमंत्री नीतीश कुमार अवुरी नेता प्रतिपक्ष तेजस्वी यादव के बीच इशारा से बातचीत भईल। पहिला बेर मुख्यमंत्री नीतीश कुमार नाक पकड़ले अवुरी पूछले कि आप उनुकर नाक बार-बार काहें पकड़ले बानी? एह बात के तेजस्वी इशारा से जवाब देले। दूसरा बेर नीतीश कुमार तेजस्वी यादव के इशारा करत पूछले कि दाढ़ी काहे नईखी कईले? नीतीश कुमार भी प्रेस गैलरी में तेजस्वी के ओर इशारा कs पत्रकारन के बतवले कि उs दाढ़ी नईखन कईले।
तेजस्वी हालही में कहले रहले कि बिहार के ‘पैर पकड़े वाला मुख्यमंत्री’ के जरूरत नईखे
हाल ही में केंद्रीय कृषि मंत्रालय के ओर से आईआईएमआर अवुरी बीज उत्पादन केंद्र के बिहार से कर्नाटक में स्थानांतरण पs राजद नेता तेजस्वी यादव कहले रहले कि, ‘जदी बिहार के सीएम के जानकारी रहे तs का उs पीएम अवुरी कृषि मंत्री से बात कईले? उs लोग (एनडीए) के बिहार से पलायन रोके के कवनो इरादा नईखे। एकरा के बढ़ावा देबे के तइयारी में लागल बाड़े. इहाँ ले कि गिरिराज सिंह ले हमरा ट्वीट कईला के बाद ही एs बारे में बात कईले। भाजपा से केहु एs कदम के विरोध ना कईलस। बिहार के कवनो ‘पैर पकड़े वाला मुख्यमंत्री’ के जरूरत नईखे। बिहार के अइसन मुख्यमंत्री के जरूरत बा जेकर विजन होखे आ जे निर्भीकता से बिहार के आगे ले जा सके. डबल इंजन सरकार के इहे हकीकत बा। नीतीश कुमार के कुर्सी के छोड़ के कवनो बात के परवाह नईखे।
बता दीं कि आजु राजद सुप्रीमो लालू यादव अपना बेटी मीसा भारती के साथे ‘लैंड फॉर जॉब’ मामिला में पूछताछ खातिर ईडी कार्यालय चहुँप गइल बाड़न. एकरा संगे लालू यादव के हाजिरी के खिलाफ राजद कार्यकर्ता ईडी कार्यालय के नजदीक विरोध प्रदर्शन करतारे। बता दीं कि ‘लैंड फॉर जॉब’ केस लालू के रेल मंत्री के कार्यकाल के हs। उनुका पs 2024 से 2009 ले नौकरी के बदला में जमीन लेवे के आरोप बा, जब उs रेल मंत्री रहले। लालू यादव के पत्नी राबड़ी देवी अवुरी उनुकर बड़ बेटा तेज प्रताप यादव भी मंगल के ‘लैंड फॉर जॉब’ मामला से जुड़ल मनी लांड्रिंग के मामला में पूछताछ खातीर ईडी के सोझा पेश भईले।
इहो पढ़ीं: भक्तिमय सोमार: ‘श्रद्धा के सागर’ धरती चीर के बाहर निकलल रहे गोरखपुर के मां काली के प्रतिमा
